› 選擇地區
三藩市
紐約
洛杉磯
其他美國地區
香港 台灣 北美
 
2013年11月20日

八方人物:吳浩康同期新秀 
做自己拒入娛圈

羅寶欣(紅衣者)正訓練一班教院師弟妹,明天在文化中心會有表演。
何家達攝

歲月未有在她臉上留下痕迹,樣貌雖無改變,但羅寶欣的名字或許已被遺忘。這位教育學院教育博士生11年前曾參加新秀歌唱比賽,奪得亞軍,同屆冠軍吳浩康仍在圈中載浮載沉,羅寶欣早抽身離開,「因為我想做番自己,唔想為咗留低整靚個樣,令到自己唔再係自己」。
羅寶欣自小已接觸音樂,盡顯天份,參加過大大小小比賽,學校合唱團及地區合唱團都有她的身影。2002年她只得17歲,在等會考放榜期間參加新秀歌唱比賽,最後摘下亞軍,同屆冠軍吳浩康加入樂壇後,曾憑數首歌曲名噪一時,後來接二連三遇上負面新聞。羅寶欣當年與家人商量後,因年紀太輕以學業為重,放棄加入娛樂圈。
她其後在教院取得教育學位,又到中大進修音樂碩士學位,其間一直有兼職教學生樂理和合唱團。畢業後因緣際會輾轉加入樂壇,以羅梓螢之名和其他三位青年歌手出了一張合輯唱片,其中兩人正是仍在圈中的鍾一憲和麥貝夷,但她選擇在出唱片後離開樂壇。
羅寶欣說,加入娛樂圈後發覺毫不喜歡這種模式,「表演前一兩個鐘到場,俾記者問吓無聊問題後上台唱一首歌就走,我搵唔到滿足感,唔係我想做嘅音樂」。她說,當教導一班學生合唱團由排練到演出,動輒可能要準備10多小時才能上台,辛苦卻能找到滿足感,「我會覺得自己做嘅嘢好有意義」。
她又說,入行時不斷有人游說自己「執吓個樣」,「例如話對眼大啲、塊臉尖啲等等」,「我曾經有困惑過,但最終明白咁樣嘅追求係無止境,亦唔想令自己唔再係自己。」她現時和一些中學生分享時,都會講述自己的經歷,「希望佢哋明白自己嘅人生意義喺邊,亦要知道到底靚係咪一定要有五蚊咁大嘅眼、43吋長腿先得呢?」她近日正訓練一班教院師弟妹出任合唱團教練,明天晚上會在文化中心表演。
記者:梁德倫

足本收睇《亂噏24》x楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載