善男信女去黃大仙求番支好籤，多數會就地搵黃大仙簽品哲理中心嘅解籤員解籤。負責管理中心嘅東華三院，諗住開放市場，設立公開「評核試」，招攬外來解籤員，改善解籤員認可制度。
但東華新搞作辣㷫喺中心搵食嘅解籤員。解籤員陳耀光等人組成黃大仙哲理從業協會，質疑東華屬慈善機構，唔係宗教團體，有乜嘢認可資格搞評核試。負責管理中心嘅東華顧問蔡偉德解畫，評核試唔係新措施，東華根據「古本註解黃大仙靈籤」出試題，考核嗰啲因解籤員仙遊，想繼續經營嘅直系親屬。同埋可令解籤員助理，唔使學師三年，只需通過評核試，就即刻有機會另起爐灶。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
