› 選擇地區
三藩市
紐約
洛杉磯
其他美國地區
香港 台灣 北美
 
2013年11月20日

隔牆有耳:網上問卷一答現形 
麥美娟左過長毛 - 李八方

唔少人都話,自從社民連、人民力量同地產霸權嘅興起,近年政治光譜越拉越闊,左右分明,左翼、右翼互相攻伐,例如睇吓陳雲嘅facebook日日大鬧左膠就知道。外國網站 http://politicalcompass.org 有一份問卷,測試到你喺經濟立場係左定右,政治上係專權定係自由主義,八方請各個政黨代表試做,結果發現,香港政壇,充斥「自由左膠」!

相關新聞:隔牆有耳:fb大熱 答案冇得揀中立

呢個測試要求受訪者完成「六頁紙」(喺囉,又係六頁紙呀),透過幾十條環繞對國家、經濟、槍械、毒品、社會價值觀、同性戀嘅問題,要受訪者表態。八方分別搵嚟七個政黨中人做測試,當然佢哋嘅測試結果唔代表該黨立場啦。
除咗自由黨李梓敬,全部受訪嘅人都係傾向自由主義同左傾,政經光譜同印度聖雄甘地同西藏達賴喇嘛相近。最左嘅議員竟係工聯會麥美娟,佢仲左過社民連長毛,麥美娟話,「其實大家都係親基層,我比較開心個測試話我似甘地」。經民聯梁美芬就話,原本以為自己係右傾,點知出咗嚟係左傾。啱喎,有人話佢係「新左王」吖嘛。
長毛就話,甘地唔係左或右,而係精神領袖,仲批評個測試好無謂,問題係考邏輯多過政治表態。泛民當中,較為右嘅係民主黨林卓廷,佢仲右過公民黨陳家洛同公專聯莫乃光,兩個都話,做咗「左膠」只因個香港社會太唔公義。
李梓敬就係唯一傾向專權政府同右傾嘅人。佢話測試相當準確,對結果一啲都唔意外,一嚟佢係支持強權嘅政府有效率施政,加上認為擁有槍械本身冇問題,又反對同性戀,道德觀非常保守。

mailto:pf_lee@appledaily.com

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載