› 選擇地區
三藩市
紐約
洛杉磯
其他美國地區
香港 台灣 北美
 
2013年11月19日

三代電視人鬧爆TVB
延長戰線 追擊「發牌攪屎棍」梁振英

【電視風雲之港劇沒落】
【本報訊】一連三日各界鬧爆無綫,怎少得三代電視人。第一代周梁淑怡心痛親生仔淪為坐擁慣性收視的敗家仔;隨後的林奕華認為無綫用慢性毒藥害死電視業。相對屬新一代的《天與地》編劇周旭明,期望市民不只今晚無綫台慶熄電視,更要將戰線延續至電視發牌風雲的「攪屎棍」梁振英。
記者:翁煜雄 白琳 許偉賢

相關新聞:發牌顧問:結果直情造馬

劇本瞇埋眼寫到

港人變百彈齋主,卻對「膠劇」邊彈邊看,沒辦法,「(因為)觀眾冇得選擇喎」。67年協助創辦無綫的第一代電視人周梁淑怡說,「有時睇見啲電視劇,真係慘不忍睹,點解?冇要求呀……因為佢哋冇任何威脅、冇競爭令到佢哋要驚」。

慣性收視是致命傷

為無綫做過開荒牛,其後輾轉在佳視與亞視打滾,見證電視圈輝煌發展,至今除卻新聞時事外,幾乎禁絕劇集。自由黨主席周梁坦言,「戲劇係講人嘅故事,一樣米養百樣人,成功在於個個角色都有獨特嘅地方,但𠵱家睇嗰啲(劇集),好似齣齣差唔多,啲劇本好似個個人瞇埋眼都寫到咁」。
她製作過電視劇《狂潮》,又從《民間傳奇》將汪明荃由古代帶到時裝劇《家變》,令女強人洛琳膾炙人口。她重視創作人材,提拔過王晶、甘國亮、許鞍華、杜琪峯、徐克等。
周梁認為最荒謬的是一個聲稱鼓勵創意工業的政府,一手扼殺這方面的發展,「有乜行業好過用電視去體現?呢行可以帶動廣告、設計甚至電影」。
周梁認為慣性收視是致命傷,「好似奧運選手,成日要練,因為想贏,如果跑嚟跑去得嗰一個人,仲邊有嗰種挑戰?」
企業老細亦如是。她稱:「啲老闆會諗,冇人嚟同你砌,慳番啲囉,貴嘅嘢唔好做咁多 。」觀眾邊罵邊看,不也有責任嗎?周梁嘆句:「觀眾都冇選擇;你叫佢(普羅市民)唔睇,佢唔睇喺屋企做得啲乜啫?」周梁指電視困局是政府造成,「政府有責任做球證,要求電視台做好質同量,同時確保市場有健康競爭,但政府冇做到」 。

相關新聞:慢性中毒30多年

足本收睇《亂噏24》x 楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載