› 選擇地區
三藩市
紐約
洛杉磯
其他美國地區
香港 台灣 北美
 
2013年11月13日

中央懼民情 擬拖延政改諮詢

湯家驊

【本報訊】特首梁振英無視民意拒向香港電視發牌,令政府民望連番「插水」後,有泛民議員引述接近北京人士稱,為免進一步激起民憤,政府有可能將原先預計明年7月敲定的政改方案,全面押後至明年年底,甚至2015年年初。公民黨議員湯家驊批評,有關發展屬非常不幸,認為政府不應因為梁振英長期施政失誤,就對政改問題一拖再拖。

恐推遲至2015年

公民黨議員湯家驊昨日到中學出席政改論壇後,直指現時政改局勢十分混亂,表示繼左派報章近日放風,指政府有意押後表決時間,近日他亦從接近北京人士口中聽聞,中央因為梁振英造成的發牌風波,有意將原先預計明年7月敲定的政改方案,全面押後至明年年底,甚至2015年年初才公佈,以免泛民的政改建議獲得更強烈民意支持,「好多唔想香港有普選嘅人都覺得,呢個時候去傾政改,只會令民情更洶湧,呢個係好非常不幸嘅發展」。
湯家驊坦言,押後處理政改理據不充份,「梁振英就算今次冇出事,隔幾個星期,又會有令香港人反胃嘅嘢推出」,指中央若因梁振英長期施政失誤,就對政改一拖再拖,香港落實普選只會遙遙無期,「最終得益者只會係梁振英」。
同場的民主黨主席劉慧卿坦言,在中聯辦不斷干預香港內部事務,加上中共極左勢力抬頭下,現時政改談判氣氛極差,「如果真係冇真普選,咁冇辦法,惟有去佔領中環」。學民思潮代表黎洛汶表示,會繼續宣傳公民提名建議,爭取符合國際標準的普選方案,「最低限度香港人要能夠自己代表自己,唔係再由特權階級去代表我哋」。

足本收睇《亂噏24》x楊千嬅;緊接落嚟 Miriam繼續同你談談情,吹吹水!
周一至周五《亂噏24》約定你: http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載