蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年10月20日
馬上成為壹會員

雞汁May姐:唔會遊行,哈哈哈……

無綫飲食節目主持馮美基被網民惡搞嘲笑。資料圖片

【本報訊】要數近期最想熄機的電視節目,無綫飲食節目《May姐有請》當之無愧。主持馮美基(May姐)失驚無神哈哈笑、菜無大小強加贊助商的雞汁,其「獨特風格」被網民惡搞嘲笑,更令雞汁變成低質節目的象徵。May姐昨天為自己平反,認為各人感受不同,又以招牌笑聲回應今日遊行說︰「我唔會去遊行,哈哈哈……我唔係政治人物嚟,師奶嚟㗎我,哈哈哈哈哈!」
無綫節目屢受網民狠批,其中《May姐有請》更獲網民選為最想「熄機」節目。不過無綫一於少理,節目已「添食」至第三輯,收視率企穩20點以上(每點有64,200觀眾),不過月初(6日)一集,忽然跌至18點。
May姐昨天向網民反擊,指電視節目的喜好各有不同,正如有人喜愛食牛肉,有人喜歡食雞肉,「無綫話我係最長壽嘅飲食節目,如果唔受歡迎就唔會添食,加到我唔想加,好攰想休息吓」。

相關新聞:電影界促交代「3變2」理據

置入式廣告已達擾民地步

港視不獲發牌,她認為王維基富熱情,應得到認同,「但牌有限,政府決定,一般市民冇控制權」。
港視員工及網民發起遊行,May姐以招牌笑聲回應︰「我唔會去遊行,我唔係遊行人,哈哈哈……我唔係政治人物嚟,師奶嚟㗎我,哈哈哈哈哈!」
品牌顧問熊子弦指出,網民對飲食節目雞汁的不滿,反映置入式廣告已達擾民地步,加上近日政府免費電視發牌風波,更令網民將雞汁比喻為無視民意,「就算你幾唔鍾意,我就係要夾硬塞畀你咁」。她指,目前網民的不滿,雖未對雞汁品牌造成災難性影響,但不排除會有罷買意見,建議廠商及早改變雞汁宣傳策略,避免令觀眾更反感。

足本收睇《亂噏24》x 陳慧琳;之後有請搞笑孖寶鄭中基谷德昭玩轉再玩轉!
周一至周五《亂噏24》約定你: http://bit.ly/appletalk24

相關新聞:撐發三牌行會成員被促辭職「過唔到公義,點解仲戀棧個位?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載