› 選擇地區
三藩市
紐約
洛杉磯
其他美國地區
香港 台灣 北美
 
2013年10月15日

隔牆有耳:
家洛四千金守護海下 - 李八方

陳家洛話佢啲千金對海下都好熟悉,大女Monika(右一)嘅同學咁啱有份發起「步走救海下」。張志華攝

公民黨主席陳家洛出名顧家,噚日朝早上完電台做訪問,轉個頭即刻陪佢四位靚千金去到西貢海下,齊齊出力「步走救海下」向發展村屋說不。
佢話四位千金之前已經去過海下幾次,對海下灣自然資源同生態都好有認識,仲話自己都係跟住幾個女學嘢。
家洛大女健寧(Monika)嘅同學仔,咁啱仲要有份發起今次救海下活動,大女叫到,「跟得」老竇梗係要現身撐場啦。
陳家洛仲話,一家人其實都好鍾意大自然,所以揀喺大埔住,貪夠接近大自然,自己亦間唔時同屋企人行吓山。
不過眼見政府盲搶地,郊野公園都唔放過,自己都要加多幾錢肉緊,喺立法會監察郊野公園發展。
家洛話,佢將會喺議會跟進同反對破壞郊野公園嘅發展項目。如果係真的話,相信家洛四千金會好開心。
但係家陣上至劏房波、下至鄉紳土豪都對郊野公園虎視眈眈,睇怕陳家洛都將會好唔得閒。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載