蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年10月09日

遊港遭點錯相 照片被瘋傳兼上頭版
澳門女喊冤「我唔係14巴港女」

【本報訊】「我唔係14巴港女!」澳門少女Crystal由於相貌酷似對方,上星期來港旅遊期間,竟被人拍下照片上載facebook,指「我家姐一眼認出佢」,Crystal就此無辜被扯入全城熱話的惡港女當街摑男友事件,連日來慘遭網絡欺凌,並遭網民起底謾罵,苦不堪言。她雖一再在網上澄清,又在返回澳門後報警求助,但相片仍不斷在網上轉載瘋傳,昨日更有報章於頭版刊登,Crystal昨向《蘋果》哭訴呼冤,希望網民認清事實,放她一馬。
記者:馮國良 林茵

相關新聞:始作俑者寫信道歉

現年18歲的Crystal是土生土長澳門人,她染了金髮,長髮披肩,戴膠框眼鏡,驟眼看與「14巴港女」外形十分相似。她剛剛在一間餐飲店找到新工作,每年有一至兩次到香港旅遊探朋友。上周六她到港旅行,翌日(即惡港女當街摑男友事件見報日),她與朋友由旺角搭港鐵往葵芳,途中倦極睡着,這時竟被人暗中拍下照片,對方迅速將相片放上fb,並註明「啱啱喺地鐵站(港鐵站)見到打男朋友14巴嗰個港女,我家姐一眼認到佢」,該相片瞬間在網上瘋傳,一會兒即獲超過1.3萬個「like」讚好。

即晚返澳門報警

Crystal當晚返回酒店用手機上網時始知自己成了網上主角:「一上fb個個朋友都問我係咪嗰個港女,初時仲以為係惡作劇,但發現有好多陌生人喺我fb留言,有啲其他網嘅留言仲惡毒,又鬧我係港女,又問男朋友喺邊?」她已即時在fb澄清,並要求上載者刪除有關相片,對方其後亦已刪除,但相片已在不同網站轉載、討論區遍地開花,且越傳越烈。有網民更提議她剪髮迴避,「點解我要為無謂人轉換髮型,做錯嗰個又唔係我」。
Crystal即晚返回澳門,認為受到網絡欺凌,立即到警局報案,司警為她錄口供並承諾會全力跟進,又叮囑她找律師協助索償。無辜當上主角令她十分困擾,「出街好似個個都以奇異眼光望我,我只好低頭行,連前日返新工作,同事都問我係唔係14巴港女」,她透露受事件影響而失眠,其後只好自我安慰,以為事件會過去。
以為唔開心嘅時候已捱過,豈料昨晨她的相片又被刊登在香港一份免費報章的頭版,繼續被誤會是惡港女,Crystal哭過又罵過:「有冇人可以幫我?我唔係14巴港女!我可以點樣追究?」「假的訊息有過萬人like,我澄清事實只有10幾個轉載」,至昨晚Crystal知道始作俑者的女學生道歉,她表示會接受,只希望網民了解真相,不要再傳其照片。

相關新聞:涉誹謗 可入稟索償

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載