› 選擇地區
三藩市
紐約
洛杉磯
其他美國地區
香港 台灣 北美
 
2013年10月07日

聘洋婦洗碗 飲食業請人難

【本報訊】洗碗工難求,身價創新高!《蘋果》發現,過往人工低、工時長仍有人「等住做」的洗碗工,如今深水埗有六成食肆有工無人做;旺角有咖啡室以時薪65元請人仍無人問津;油麻地有餐廳轉請洋婦於「冷氣房」洗碗;連鎖快餐店集團旗下茶餐廳亦無奈變陣,編排侍應幫手。飲食界人士直言:「請洗碗好似落Bid(投標)咁,價高者得!」
記者:馮詩媚 金敏琍 溫瑞麟

相關新聞:餐廳主任「降級」洗碗

「高薪聘請洗碗員,時薪65元」、「上班時間任擇」……旺角、深水埗近日出現琳瑯滿目的洗碗工廣告,記者發現福榮街10間食肆有6間缺人;旺角花園街有樓上咖啡室以時薪65元請洗碗工,老闆阿滔慨嘆:「廣告貼咗4日都未請到人!」

老闆:本地人嫌三嫌四

老闆們絞盡腦汁,位於油麻地寧波街的串燒店「蜀一燒」,去年便以萬多元月薪請來港30年,已有香港身份證的60歲瑞士籍女工Fanny洗碗,每日晚5朝3、工作10小時,記者見她身穿圍裙及手套,於舖面拖地,亦於廚房洗碗盆工作,腳下有冷風機吹着,工作量一般,半小時洗一盤碗碟。
Fanny似乎默默耕耘,用不純正廣東話稱:「我唔識聽唔識講中文,very busy!」姓陳老闆指:「本地人好難請,嫌三嫌四,試過返一日就走咗!外國人唔識中文,有工就做,安份守己!」,並強調已依足勞工法例聘用Fanny。

業界變陣幫襯洗碗工場

經濟學家關焯照稱,最低工資實施後,最無競爭力的一群變得有議價能力,「同樣30蚊,做看更好過洗碗啦!」並指市場會慢慢調節,如酒樓以高時薪「炒散」請人,洗碗工場應運而生彌補不足,香港餐飲聯業協會會長黃家和則指,現時的求職者多數會揀工做,「洗碗工人都要睇吓有冇洗碗機,有幾多人手、工時同人工!」故業界已變陣,「多咗用即棄餐具,幫襯洗碗工場」。

足本收睇《亂噏24》x 卓韻芝;緊接歡迎「宇宙最強」甄子丹!
周一至周五《亂噏24》預埋你: http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載