› 選擇地區
三藩市
紐約
洛杉磯
其他美國地區
香港 台灣 北美
 
2013年10月07日

惡少做燒臘 入贅女家

【淡水開舖】
「喺淡水水源街提起香港燒臘,就知道係財哥」。42歲的葉正財,年少輕狂,在港走旁門左道,17年前避走台北投靠哥哥做燒臘,社會氣氛簡單,想惡、想壞也壞不出樣,重新上路,結果成為太太的好老公、三名孩子的好爸爸,「諗番轉頭,冇諗過有個咁美滿嘅家,台灣畀到我」。

相關新聞:東主寧蝕錢 堅拒返港

組織美滿五口家

財哥憶述,20多歲初到台灣,當地生活節奏緩慢,沒有夜生活,「喺香港晚晚周圍蒲,嚟到台灣冇夜生活,想唔修心養性都唔得」。正值壯年,財哥未有逃避服兵役,「想操Fit自己,點知當咗一個月,體檢話我唔得,要退役」。
財哥來到台灣認識泰雅族女友,「嚟到台灣唔想再玩,認真交往,到談婚論嫁先知同原住民結婚要入贅女家,孩子只跟老婆姓。我冇所謂,原住民有好多福利,讀書唔使錢,梗係跟老婆姓啦」。
財哥自立門戶開設牛肉麵店失利,幸得非親非故的台灣朋友出錢,兩年前於淡水開設燒臘店「香港燒臘財哥」,在台信了基督教的財哥說:「係神嘅恩賜,喺台灣遇到義無反顧嘅台灣人協助,又幫我用咗我個樣設計燒味店Logo,令到好多人認識。」記者訪問當天,大批學生絡繹不絕排隊買飯,財哥露出招牌笑容不斷斬燒臘,斬出一個美滿家庭,「啲細路3個月大到12歲,一家5口住喺600呎屋,係自己買㗎,喺香港就買唔起」。財哥指遇到不少移居台灣的港人抱怨生活不理想,「其實嚟到台灣,就融合呢個社會,開心咁生活」。
《蘋果》記者

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

相關新聞:70後開咖啡店講六四

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載