蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年09月30日
馬上成為壹會員

今日清場 觀塘鴿舍鬥到底

【記者譚靜雯報道】觀塘市中心重建項目今日清場,仍留守的仁信里鴿舍堅持抗爭到底、開設毛冷店的May姐則被迫遷往只得60呎的街市經營,大量毛冷及貨物未能趕及在清場前搬走,她曾兩度向市建局要求寬容多幾天搬遷,獲局方職員口頭承諾「有商量、有通融」,但清場前夕就換來一句﹕「你唔交場就乜都冇。」
觀塘重建區內的仁信里,至今只餘下約3個商戶仍未離開,當中包括已接受賠償的毛冷店May姐。她忙於在店內執拾,但由300多呎的地舖遷至街市三樓一個只得60呎的舖位,她需要時間清貨,未能趕及清場前離開,曾兩度向市建局請求寬容多幾天搬遷,「我唔係唔肯搬,但街市已經被啲貨逼爆,我只係要多幾日時間,其餘啲貨都要搵位放。」

直斥市建局冷血

May姐透露,市建局職員曾經口頭承諾可寬容多幾天,但近日又突然表示要按時清場,「有一種被騙感覺,當初你呃我哋攞票、呃我哋去投位,就話乜都有商量,𠵱家乜都冇,一日都話唔得,甚至連封咗場後,可唔可以開返度門畀我攞返自己啲嘢,佢都話唔得。」她直斥市建局做法官僚,「佢哋好冷血,喺咪要逼到我儍、逼到我癲、逼到我跳樓,佢哋話30號之後唔清場,連之後嘅賠償都要嘔返出嚟。」
重建巨輪下,重建區十室九空,仁信里內仍有堅持抗爭到底、全港碩果僅存售賣賽鴿的「國際鴿舍」東主梁錦洪。清場前夕,梁錦洪心情沉重,除了因為前路茫茫,更擔心一直相伴多年的40多隻白鴿的命運,「好唔開心,做咗30幾年,𠵱家就嚟滅亡,白鴿舖又無得賠,出面又唔畀賣,我𠵱家乜都冇晒。」
他擔心,市建局今日會帶同食環署、漁護署人員清場,將店內的白鴿全部銷毀,「一定鬥爭到底,我𠵱家乜都無晒怕咩。」
有關注團體及街坊今日將在仁信里舉行「讓鴿子繼續飛儀式」,聲援國際鴿舍和其他街坊,反對食環署和市建局滅鴿清場,又指國際鴿舍跟不少區內的商舖和小販一樣,未獲妥善安置和賠償,卻遭市建局屢次威脅拆舖。而早前在網上發起聯署,至今已獲近300名市民聯署支持。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載