› 選擇地區
三藩市
紐約
洛杉磯
其他美國地區
香港 台灣 北美
 
2013年09月19日

陽澄湖大閘蟹質素差
老三陽唔賣住

【本報訊】受內地高溫持續影響,陽澄湖首批大閘蟹質素差強人意,中秋未有來港應節。有本地大閘蟹老字號,昨寧願空運太湖的新鮮大閘蟹到港,但售價貴逾30%。該店也坦言要吃又平又靚的膏肥大閘蟹,還看下月。

稱首批出湖蟹「仲係綠膏」

陽澄湖日前開湖,老三陽本擬今日運首籮到港,但董事總經理祁玉鳳稱,受內地7至8月持續高溫影響,大閘蟹成長緩慢,故首批出湖的蟹質素不理想,「仲係綠膏」,並不是肥美的黃油肥膏,「等佢哋長大隻啲先啦」。董事長祁廣楠又說,「香港食客要求高,唔靚唔食,唔靚要退貨」。特別是陽澄湖大閘蟹貨源不靚,他寧願暫時不入貨供港。
不過,由於熟客及食肆要蟹應節,老三陽昨便由蟹生長得較快的太湖,空運半噸到港應節:「大蟹一隻都唔見有,撈上嚟都係不足三両重蟹仔或中細蟹。」他說貨源太少,加上內地消費强勁,本港售價也按年升30%。中小蟹每斤售價280至480元,七至八両大蟹更每斤售600元。
他建議本地大閘蟹粉絲,不如耐心等十‧一長假後,北風起及氣溫回落,大閘蟹養得肥肥白白,才食又平又靚大閘蟹。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載