海天堂老闆吳耀明近排畀龜苓膏質量問題搞到頭都大埋。喺鬍鬚佬落難嘅時候，有政界人士為買咗好多龜苓膏券嘅市民奔走。不過呢，有人就覺得，當年鬍鬚佬都幫過唔少建制派拉票，點解喺佢落難時，呢啲政客冇出嚟撐吓佢呢？
有人就搵番張區議會選舉嘅相出嚟，見到鬍鬚佬當時手持1號候選人林悅告急嘅單張，仆心仆命幫林悅救亡。不過都唔好怪東涌區議員林悅唔伸出友誼之手啦，事關佢老哥都有單懷疑報大數呃樓按官司在身，11月開審，自身難保呀。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
