› 選擇地區
三藩市
紐約
洛杉磯
其他美國地區
香港 台灣 北美
 
2013年09月19日

隔牆有耳:幫襯社企特製「有名」月餅
田二少俾人食落肚 - 李八方

蛇齋餅糭,乃係香港基層政治嘅精髓。只要將呢種文化發揚光大,分分鐘可以學似澳門陳明金咁,一張飛勇奪三席成為超級票王。今日係中秋佳節,各大政黨對「餅」呢樣嘢自然不敢怠慢,近日四出派餅益街坊,有阿爺射住嘅禮義廉,派月餅之餘仲派福袋,向來缺水嘅泛民,只能靠煤氣贊助派冇蛋黃嘅白蓮蓉「健康月餅」。呢一round,新民黨田二少就以7,000個印有自己個名嘅社企月餅大獲全勝,成為政界月餅王!
要就政壇派月餅做田野考察,新界西係必然首選。喺剛過去嘅周日同周一,天水圍屋邨變咗派月餅日,唔少區佬、立法會議員落區派月餅。工黨李卓人都喺天水圍地區辦事處同荃灣嘅老人院向街坊送暖,佢派嘅係煤氣公司聖安娜月餅,但阿人就有少少簡陋囉,就咁用白色膠袋袋住就算,不過婆婆收到都好開心。

泛民月餅冇蛋黃

白鴿黨葵青區議員林立志,都係靠煤氣食糊,有400個月餅益街坊,資源不足,佢就派埋迎月、追月、賞月時間表傳單畀街坊,都算有心思。但都唔及田二少,佢搵咗間社企,整咗7,000個印有田北辰三個字嘅月餅,等街坊可以食咗佢落肚。喺新界東,新民主同盟范國威,因為係立法會議員,可以拎到煤氣800個月餅。但都有街坊問,點解月餅冇蛋黃?可唔可以有五仁月?富貴黨自由黨李梓敬,都係拎咗煤氣月餅,喺石硤尾南山邨派畀婆婆。
除咗區議員,特首狼英都有嘢派,派咗含羞草同蟋蟀畀小朋友,話呢啲小植物同小生物簡單易養喎,不過就唔係幾應節囉。

mailto:pf_lee@appledaily.com

熱血青春電影《狂舞派》席捲今夏,柒良同阿花嘅夢想去盡未?
男女主角聯同導演黃修平齊上《亂噏24》,動Live預埋你!
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載