› 選擇地區
三藩市
紐約
洛杉磯
其他美國地區
香港 台灣 北美
 
2013年09月18日

隔牆有耳:官媒轟亂港凌凌漆 
狼英、震遠最可疑 - 李八方

內地官媒《環球時報》呢排日日發炮鬧英美,噚日話根據香港左報《大公報》同《文匯報》報道,英國情報機關在港活動,喺回歸後加強咗,不單滲入政黨、團體、司法界、商會同傳媒,仲要入埋政府「要害部門」,搶奪香港管治權。外界一直盛傳,特首狼振英同張震遠都係英國凌凌漆;張震遠辭任行會前,拍住狼英治港,莫非中央終於發現,特務處處有,狼班子入面至少呢兩個?

英領館拒回應

《環球時報》話喎,現役同退役嘅英國軍情六處駐港特工遍佈香港,行動中心就係英國駐港總領事館,撒手鐧就係攞住好多高級公務員絕密資料,仲無啦啦扯到前發展局局長麥齊光嘅騙房津事件,話呢啲證據,都係源自幾十年前嘅公務員資料,一定係英國當局所為。
嘩,要打擊英美箒,使唔使咁上綱上線呀?前行政立法兩局議員李鵬飛話呀,唔信麥齊光案證據由英國情報機構流出囉;英國駐港總領事館睬佢都有味,話明唔回應有關情報嘅問題。
有口痕友話呢,官媒可能係批緊狼英同張震遠都未定。話晒前者曾被《前哨》月刊認定係英國政府培養入政界嘅特務,後者師傅係港英時代中央政策組首席顧問、盛傳係MI6嘅魔僧顧汝德,所以都被懷疑係MI6。見到狼班子搞亂香港,又好難唔令人懷疑佢哋真正身份嘅。

mailto:pf_lee@appledaily.com

熱血青春電影《狂舞派》席捲今夏,柒良同阿花嘅夢想去盡未?
男女主角聯同導演黃修平齊上《亂噏24》,動Live預埋你!
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載