蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年09月01日
馬上成為壹會員

柏林擺檔兩小時賺兩千元

【各地經歷】
遊走不同國家及城市「唱遊」,除了可賺旅費,站在街頭半天,也是觀察人生百態的最佳時機。「澳洲人好悠閒,會坐下來聽,好多人留到最後,只為稱讚你唱得好好。德國人比較匆忙,但就好慷慨,除咗買唱片,一般都好主動打賞,喺柏林,試過唱咗兩個鐘,就有2,000幾蚊收入,相當不俗」。
音樂,是不分種族的共同語言。在歐洲,不少人以街頭唱歌為業,穿州過省,但像黃劍文一類的亞洲面孔,則很罕有。

相關新聞:星期日專題:母自殺亡 情緒陷谷底街頭歌手唱遊大世界 賺旅費 賺人生

土耳其人好熱情

「在土耳其,賣唱嘅風氣唔及德國同法國等西歐國家,但土耳其人就好熱情,你一唱完歌,佢哋唔係打賞,而係搵你影相。對於我嚟講,有收入賺到旅費固然好,能夠認識唔同國家嘅人,都係有趣嘅體驗」。
在澳洲,他就試過獲邀唱情歌向女友求婚;而在柏林,他又遇過在紙巾寫下口訊,說要請他食雪糕的知音人。不過,最難忘則要數悉尼的除夕之夜,「本來想去睇跨年煙花表演,但因為人太多,搵唔到位,惟有變陣,喺歌劇院對面唱歌,點知唱咗兩、三首,就有幾百人圍觀,人人情緒高漲,幾百人一齊和唱,畢生難忘。」邊走邊唱,世界,可以越走越大。
《蘋果》記者

肥佬黎有今日,全賴阿媽細個同佢講過乜?即睇最新一集《亂噏24》,話唔定幫到你!
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載