蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年09月01日
馬上成為壹會員

為篩選開路
梁愛詩抹黑公民提名奪權

民主派力爭公民提名特首候選人之際,基本法委員會副主任梁愛詩斬釘截鐵地表示,公民提名會奪去提名委員會的權力,明言「人人都有權參選,唔等於話最終人人都可以做候選人」,而普選特首須愛國愛港和不能抗中更是「不言而喻」,又指佔中會「搞歪經濟」。民主派議員炮轟梁愛詩推銷「A貨普選」,為篩選鳴鑼開道。

相關新聞:10年前狠批惡法  昨「打倒10年前的我」轉軚撐23條 雷鼎鳴替港滅聲

昨日出席論壇的梁愛詩質疑,公民提名不符合《基本法》,指普選特首須由提名委員會提名,不是個人提名,公民提名是奪去提名委員會的權力,又指「我哋個選舉一定要係有效嘅選舉,如果一個參選人太多嘅話,咁樣你係唔能夠保證有百分之五十嘅選票支持嘅時候,選嚟選去都選唔到啦」。
梁愛詩又再為特首須愛國愛港、不能抗中的言論護航,稱這些並非對特首的新要求,反而是「不言而喻」,只因香港的《人權法》列明,不能因某人的種族、性別、宗教及政見等其他理由而有歧視,才不會在法律條文裏寫明,中央之所以明言這兩個要求,原因是「提醒大家,中央有委任權、有任命權,而中央嘅任命權係唔受特區嘅法律約束」,更笑言有人建議有回鄉證者才能當特首,否則難以赴京述職。

誣衊佔中會釀暴力事件

其間,梁愛詩又趁機批佔領中環行動,她以2006年世貿第六次部長級會議舉行期間,韓農來港示威為例,指韓農原本也是和平抗議,但最後也變成暴力事件,反問「點解將我哋一個和平寧靜嘅社會,要搞到有呢啲暴力嘅陰影呢?點解要將我哋嘅經濟搞歪佢呢?」。
公民黨陳家洛批評,梁愛詩所反映的立場顯示,中央要「賣A貨普選」,他說:「梁愛詩呢種霸道、唔講道理嘅獨裁作風,係為篩選鳴鑼開道,即係話阿爺鍾意就畀你入閘,唔鍾意就冇得留低。」陳家洛認為公民提名的重點,就是「要將選擇權交番畀市民,而唔係畀梁愛詩本人」。工黨何秀蘭也駁斥,真正的普選制度不應由提名委員會去篩選,假使參選人數眾多,也可以用多輪投票去解決,「首輪投票都係篩選,但呢個係由一人一票去做,而唔係畀提名委員會去做」,續指提名委員會提名和公民提名兩者可以並存,亦不代表公民提名的存在是奪去了提名委員會的權力。

肥佬黎有今日,全賴阿媽細個同佢講過乜?即睇最新一集《亂噏24》,話唔定幫到你!
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載