蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年08月27日
馬上成為壹會員

隔牆有耳:
狼英度身訂做 筍位益小花 - 李八方

商交所財困爆煲,「受害人」唔只聲稱被騙嘅張震遠,仲有身任主席助理嘅狼英愛將陳冉,據聞唔少「梁粉」近日四出幫小花搵後路,以免佢飯碗不保,當年仲盛傳係狼英推薦陳冉入商交所㖭。咁啱呢個時候,特首辦破天荒開設新職位,公開招聘月薪43,120蚊嘅研究主任,難怪唔少人質疑個位係咪狼英為陳冉度身訂做,以免有負於小花?

陳冉:仲係商交所職員

特首辦係喺上周五刊登呢個招聘廣告,話要請研究主任。做咩㗎呢?原來係協助研究及制訂政策、整理公眾意見、籌辦宣傳項目及活動,以及草擬演辭等。呢個位按非公務員合約條款聘用,為期兩年半。
無啦啦每個月用成4萬幾蚊開新職,狼英梗係被認定另有所圖啦!咁啱呢個時候,政圈盛傳唔少梁粉,幫緊曾係狼英候任特首辦項目主任嘅前共青團成員陳冉搵工,驚呢位小花冇糧出好陰功豬。又難怪有政界中人質疑狼英,可能唔想做負心漢,特登開個靚位安置陳冉。
特首辦發言人證實職位係新開㗎;至於有「用人唯梁粉」往績嘅狼英會唔會親自篩選?發言人話招聘過程會按政府相關規定進行,特首辦會以「用人唯才」 宗旨揀人喎!
狼英有心,都要睇吓小花有冇意嘅。八方噚日打過電話畀陳冉問佢最新狀況,佢用依然甜美嘅聲線回應,自己仲係商交所職員嚟㗎,仲未劈炮!咁有冇糧出、有冇諗住轉工?佢一概笑笑口話唔評論,多謝關心喎。

mailto:pf_lee@appledaily.com

一副24字的對聯影響蔡瀾一生,今集《亂噏24》,蔡瀾為你逐句解釋!
點擊以下連結,全集即時重溫!
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載