› 選擇地區
三藩市
紐約
洛杉磯
其他美國地區
香港 台灣 北美
 
2013年08月23日

三年過去淚已流乾

對於菲律賓政府對人質事件愛理不理,謝媽媽覺得十分過份。

【堅毅謝家】
痛失弟弟謝廷駿(Masa)轉眼3年,謝志堅說,一家人淚已流乾。3年來,菲律賓政府一再拖延,特區政府也只重複着同一番沒進展的話。放下傷痛,他們仍堅持入稟追究。「當日,全世界望住直播八死七傷。如果咁都冇能力追討任何嘢,甚至乎一個道歉,香港人再去其他國家應如何自處」?
一周年,他們重返傷心地馬尼拉黎剎公園超渡死者、找律師商討追究責任。兩周年,在官員、律師、志願團體間奔走卻苦無成果。三周年前夕,謝志堅直踩特首論壇,只換來梁振英一句「銘記於心」。「佢話有決心解決問題,咁當你開咗廿幾次會都唔得,係咪要諗吓有冇第二種方法去做呢」?
總有人說一國兩制,香港官員也受制於中國的立場,謝志堅說:「當日,全世界望住直播八死七傷。如果咁都冇能力追討任何嘢,甚至乎一個道歉、一蚊賠償都唔應該有時,咁香港人再去其他國家,應如何自處?我希望,我哋政府同國家有咁嘅guts去做呢樣嘢!」
有人將追討行為理解成是他們沉溺傷痛。謝志堅說:「當全世界去鬧菲律賓人時,我哋一句都唔夠膽鬧,因我哋知道,再出聲只會增加仇恨,但當全世界忘記時,我哋唔可以忘記,呢件事關乎我哋親人,應有好好解決」。

相關新聞:槍手門多薩弟 再道歉

媽媽不斷旅行圓Masa夢

雖已3年過去,但Masa的媽媽李美珍每到8月,內心都感到不舒服,「早兩年每到8月,成日都想離開香港,今年就好啲,因為有親友由外國嚟探我。」過去3年,她不斷到外地旅行,圓愛兒Masa周遊列國心願,「今年去咗秘魯、尼泊爾同絲綢之路,遲啲去突尼西亞。」每次出發,謝媽媽都會跟Masa講一聲,希望他可以一起去,「希望Masa喺另一個世界開心啲,我自己都睇開咗,始終要面對生活。」
《蘋果》記者

一副24字的對聯影響蔡瀾一生,今集《亂噏24》,蔡瀾為你逐句解釋!
點擊以下連結,全集即時重溫!
http://bit.ly/appletalk24

相關新聞:易小玲憂左下顎不保

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載