› 選擇地區
三藩市
紐約
洛杉磯
其他美國地區
香港 台灣 北美
 
2013年08月13日

專題人物:織男手中線 明星身上衣

明星天天有新款靚衫着,原來不少由時裝設計師免費借出,最近Seth就借了兩件毛衣給薛凱琪,其中一件是新歌《周末畫報》MV內的一件鮮橙色毛衣。免費借衣,似有佔設計師的便宜,但Seth說是行規,也是互惠互利。
「通常係明星嘅造型師嚟借衫,大家係互利關係,我有免費宣傳,佢又可以試唔同衫」。他說,若明星要求度身訂造衣服,例如婚紗,則可能需要付費。但說到底,面子與人氣才最重要。「如果係Sammi(鄭秀文),好多設計師都願意借」。
織冷衫需要無比耐性,也許對不少港女而言,織頸巾已是人類極限,織女已經如此,更何況織男,他卻說:「我好享受織嘢,通常我一邊織一邊睇美劇,所以我唔覺得悶㗎!」但Seth也坦言,針織設計業界內,男性設計師少得可憐。

魚絲混毛冷 100%DIY織布

要一針一針把毛衣織好,考量的不單是眼力,還有個鼻。「好恐怖!我織嗰件橙色毛衣時,成間屋都係毛。後嚟有人教我,用檸檬水撈蜜糖沖飲,一日飲五、六杯,真係好得」。本來堵在喉嚨的一球球毛茸,成功排出體外。
既是針織達人,普通毛冷當然滿足不了Seth的創作慾,他愛編織毛線,薛凱琪的橙色毛衣,每條毛線都出自他之手,「我用四日織好,用料係Shadow Fox,影狐」。
現代織男,像花木蘭般,也會使用織布機,但他不在織布機旁嘆息,而是想盡不同方法設計一些紋理花款出來。「有人會問點解咁辛苦做自己嘅織布?出街買都得啦!但係,感覺完全唔同,呢件衫係由零開始,100%係自己做出嚟嘅」。
他不時到外地找尋各種古靈精怪卻又可用的物料,「好似Yes卡嘅鐳射膠條、魚絲、金屬線、紙……其實都可以織衫,呢啲物料經過處理可以好軟身」。不少物料購自日本,介紹的時候他忍不住讚嘆:「日本仔做嘅嘢真係好靚!」記者觸摸一下那些金屬線、紙製的紗線等,果然軟中帶點質感。
究竟一個男人怎麼會愛上針織呢?原來家中有個「縫補補」阿媽,楊媽媽年輕時在工廠補衫,而且是最難補的毛衣,耳濡目染,他亦慢慢學會各種針織技巧,「我嘅補衫、針黹、鈎織技術,都係佢教我」。剛剛在會展舉行的第20屆香港時裝節,他獲貿發局邀請作一節時裝騷,推銷自家品牌「SETH YEUNG」。會場角落,也有楊媽媽的身影,低頭為他的新裝縫補,「呢件係褲嚟,要調轉着」,楊媽媽拿着一件像上衣的褲子淺淺笑道。

師承慈母 頸巾贈好朋友

Seth在香港知專設計學院唸畢時裝設計高級文憑後,轉到英國升讀大學,主攻針織。在彼邦趕功課,像老太太一樣,不時在倫敦地下鐵織冷衫,惹來不少奇異目光,「有時有個阿嬸坐喺隔籬,我哋一齊織」。父母經營生果舖,財政狀況不算豐裕,但也負擔起他60至70萬元學費。Seth幾時還學費給阿爸阿媽?他說屋企人不計較,「我自己都有出去接job,幫補吓,𠵱家都有能力畀家用阿媽」。
手織物是愛之表達,這位現代織男,可曾送禮給他的牛郎或牛娘?Seth臉頰泛紅,尷尬說:「織過頸巾畀好朋友做聖誕禮物。」男朋友還是女朋友?「好朋友,哈哈哈!」他強調了兩次是「好朋友」。你有拍過拖嗎?「我26歲喇,唔係咁純情!」

你想爆?幫你爆!
熱線電話:2990 7225
mailto:Bom@sharpdaily.com.hk
WhatsApp:9131 4511

講電影變講國情,阿澤彭導最後一星期做嘉賓,
未睇?即上《亂噏24》重溫!
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載