› 選擇地區
三藩市
紐約
洛杉磯
其他美國地區
香港 台灣 北美
 
2013年08月13日

CY:多謝祝福
師傅:出年仲大鑊

昨日生日的梁振英,全日都無露面,只在特首網誌撰文,自稱收到不少賀電和賀卡,更有市民送鮮花到特首辦,自己「絕對心領」,並感謝各人祝福。

而《蘋果》就訪問了三位玄學家,他們一致認為梁振英下半年、甚至到明年,施政都會非常「難捱」,香港在他的主政下將更加動盪。

相關新聞:鄉紳撐腰任立會議員

楊天命:十月、十一月更動盪

「梁振英金水氣特別重,香港下半年都冇運行,尤其十月及十一月,受到傷官星、食神星影響,梁振英官運不能發揮。」(記者:前日示威激烈,將來會否更多這種場面?)「未到最犀利,十月、十一月更煩,到時仲厲害。下年佢60歲犯太歲,但係係好嘅犯太歲,下年會好啲,今年都係麻麻地。」

麥玲玲:總之都係難捱

「佢面相奴僕宮差,條命嘅奴僕宮一樣差,所以班底弱,頻頻出事,總之佢請的人會論盡啲。今年佢條命會好動蕩,到出年先至最關鍵,因為係60年一次天干地支相衝,隨時成條命衝散咗,除非有好大喜事沖喜,或者要睇佢嘅貴人有幾強勢,總之都係難捱。」

相關新聞:獅隊話事人拖馬撐場

吳佩孚:想化解做人要厚道啲

「佢條命踏入交脫運,今年遇上寅巳申三刑,刑衝較多,官運比較反覆,是非、官非都多,例如民望低同埋有僭建,寅巳申三刑自己身邊團隊都有問題,所以啲局長都自身難保,明年可能會好啲,但如果想盡量減低衝擊,凡事要忍,做人要厚道啲,同市民嘈或者撐冇利,反而容易出錯。」

講電影變講國情,阿澤彭導最後一星期做嘉賓,
未睇?即上《亂噏24》重溫!
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載