› 選擇地區
三藩市
紐約
洛杉磯
其他美國地區
香港 台灣 北美
 
2013年08月11日

設基金幫年輕人尋夢

王仲傑應邀到天水圍的中學教學生創意寫作,分享實踐夢想的心得。

【兄弟情深】
夢想,可以是孤身環遊世界,也可以是決心做個有錢人,對王仲傑來說,夢想沒有大小,在乎實踐的決心。較他年輕兩年的弟弟仲勳,便是他心中的尋夢者,「佢讀書可能唔夠我叻,但決心肯定比我大,有幾多人有佢嘅勇氣,放棄安穩工作,返內地四年學畫,由零開始?仲要係佢自己死慳死抵,儲夠學費生活費、臨出發留低兩年家用先走,好厲害」。
仲傑與仲勳很妙。兩兄弟一起接受訪問,弟弟行開了,哥哥舉起拇指,大讚原本做測量工作的弟弟,是最有家庭責任感的尋夢者;轉過頭,弟弟又會偷偷哋同記者講:感謝哥哥「睇住屋企」,讓他「任性」尋夢。上月才由天津美術學院畢業回港,內向的仲勳,不似哥哥口若懸河,直言自小讀書唔叻,整個中學階段,都活在標青哥哥的「陰影」之下:「大家讀同一間中學,老師都會比較,細個梗介意,𠵱家接受咗,起碼畫畫,佢一定唔夠我嚟。」

相關新聞:星期日專題:80後銀行家 年填百首詞聽何韻詩唱出作品 快樂更勝業績好

「關鍵在乎你有幾堅持」

兩兄弟感情要好,哥哥計劃成立「夢想基金」,資助年輕人落實夢想,弟弟仲勳二話不說,追隨左右:「如果唔係身邊好多人鼓勵,都未必有勇氣行出第一步。」仲傑補充說:「夢想好個人,唔係要破紀錄、做一樣從無人做過嘅嘢,簡單到你本身畏高,決心要去笨豬跳,都可以係人生夢想。」
就如他在文章所寫:「我們的前半生,被照顧安排讀同一本書,考同一類型的試,選擇權不在自己手上,我們的下半生,卻有自己話事的權利。」夢想可以好實在,並不遙遠,「關鍵在乎你有幾堅持!」打死不離親兄弟,兩子異口同聲。
《蘋果》記者

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載