› 選擇地區
三藩市
紐約
洛杉磯
其他美國地區
香港 台灣 北美
 
2013年08月10日

跨性別配對 上堂增自信

Mimi(左)和袁小姐不單為跨性別人士舉辦極速配對活動,協助正轉換性別的人適應新生活。黃永俊攝

「一早講到清清楚楚,啱就嚟,唔使話去到最後,又話我無呢樣無嗰樣,先嚟分手收場。」世界公民協會負責人Mimi,眼見身邊不少兄弟姊妹因為跨性別身份在論婚嫁才爆煲,上月底與友人合作,推出專為跨性別和雙性人士而設的極速配對服務,又開設形象指導先修班,提升跨性別人士自信,踏出求愛第一步。

相關新聞:性小眾尋愛 極速找另一半

冀設社企提供支援

男跨女的Mimi直言,社會對跨性別人士接納程度低,令他們求偶很困難,「最初識一個人,未必會將性別情況話畀對方聽,到真係鍾意咗對方就唔敢講,去到最後關頭、談婚論嫁嘅地步,一講出嚟就爆煲,畀人覺得欺騙感情,好傷心。」
名為「愛=人**2」的配對活動並非牟利,參加表格較同志配對更多元,單是性別認同一項就有超過10個選擇,除了傳統的M和F,還有I、T、ITM(出生時是雙性,選擇當男性的人士)、ITF(出生時是雙性,選擇當女性的人士)等,性傾向亦包括Sissy(娘娘腔)、Tomboy、M&F等,「覺得可以同T(跨性別人士)相處嘅都可以報名,我哋都好希望可以有『直人』參與,但reach唔到。」
配對服務只是世界公民協會其中一個項目,他們亦開辦一連4節的形象指導課程,由有30多年經驗的導師主講,「好多朋友係自信唔夠,transition嘅過程唔係好識化妝,唔知門路,又唔夠膽去化妝counter,想去做個facial都唔敢,着咩衫、點配搭又唔知,個課程由護膚、護理身體、穿衣配搭、飲食都有。」
Mimi的長遠目標是成立社企,提供心理輔導、法律支援,又計劃開設咖啡店,為跨性別人士提供就業機會,「好多都喺transition嘅階段畀公司踢走,搵唔到嘢做,生活困難,搞到要領綜援,如果有份工,佢哋就可以安穩少少。」

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載