› 選擇地區
三藩市
紐約
洛杉磯
其他美國地區
香港 台灣 北美
 
2013年08月06日

隔牆有耳:
五毛點錯相 煒煒當朗思 - 李八方

一班五毛黨老屈女同盟會成員煒煒係朗思,仲人身攻擊佢外形。 互聯網

盲毛點錯相定刻意玩歧視?由一班疑似五毛喺facebook設立嘅「泛民可恥行為事件簿」,前日就登咗大大幅相,話有網民指出,「呢個唔知係阿哥定阿姐的人就係不停煽動港獨、不斷搞中港分化的朗思。請大家鑑證!」改圖高手朗思向來唔露面,邊位網民咁把炮可以起佢底?八方望真啲,相中人竟然係女同盟會成員煒煒。

留言侮辱外形

八方向煒煒求證,佢劈頭就否認,「唔係我呀!我完全同朗思係唔識,冇關係,冇參加過佢哋嘅活動」。佢話,前晚收到唔少朋友來電話畀人點錯相,雖然有朋友同佢澄清,但成批五毛都唔放過,仲要人身攻擊,其中一人疑似退休小販管理隊人員仲出言侮辱佢係妖魔鬼怪,「男不似男,女不似女,真噁心」。
「我俾人誤會咗係邊個,都係笑話一則,但出咗嚟嘅結果係歧視同志」。煒煒話,網上班人針對佢嘅同志外形,污言盡出,可以睇到香港歧視同志情況有幾嚴重。佢噚日就向政制及內地事務局嘅性別認同及性傾向小組投訴,對方話睇過唔多覺有歧視成份,叫佢寫低邊句係歧視,先肯處理喎。

五六年拍一部戲?講到嬲嬲哋,肥佬黎教王家衛拍戲!
想睇今周足本《亂噏24》?蘋果網站動Live預埋你。
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載