› 選擇地區
三藩市
紐約
洛杉磯
其他美國地區
香港 台灣 北美
 
2013年08月06日

隔牆有耳:
江湖飯局2之 
夢熊大師數臭狼 - 李八方

一年幾前搞到滿城風雨嘅「流浮山小桃園飯局」,一年後竟然有續集。飯腳幾近原班人馬,包括時為梁營馬前卒嘅Dream Bear劉夢熊、十八鄉委會主席梁福元,同屏山鄉鄉委會主席曾樹和等人,噚日再次喺流浮山一間酒家聚首一堂。俾狼英狠撇嘅Dream Bear大鬧限奶令、雙辣招好荒謬;又指近日炒車嘅發展局局長陳茂波當全香港市民「係白癡」。

鄉事派想同民記割席

流浮山皇庭花園酒家噚日新張誌慶,由新界鄧氏家族鄧宗偉、鄧裕平等人做老闆,請咗Dream Bear、新界王劉皇發同一班鄉事派人馬剪綵。雖然飯局冇預「上海仔」郭永鴻,但呢班飯腳亦令八方想起舊年嘅江湖飯局。不過時為忠實梁粉嘅Dream Bear,今日已變成爆出狼英黑材料嘅夢熊大師。佢同八方慨嘆,一年前後「政治環境好大變化,當時係特首選舉,我欣賞CY,𠵱家認為佢貨不對辦」。

夢熊大師話「以為CY穩中求變,點知佢執政一年,關鍵位錯晒方向」,限奶令、樓市雙辣招荒謬至極,梁班子「做事似蝸牛,決而不行」。而謬波喺東北囤地問題上,「租據明明自己簽,點可以話同自己冇關係」,當香港市民係儍仔。八方問囤地波係唔係狼英用人不當嘅例子,夢熊大師就笑言「公道自在人心啦!」
佢又用CY曾問「地從何來」為例,認為東北發展計劃「快快收返高爾夫球場咪有地囉」;又話舊年飯局係討論新界僭建,至今梁班子「仍未解決」。席間亦有鄉事派同八方講,今次飯局係要杯葛民建聯喺堆填區嘅爭議,要同民建聯割席,仲揚言以後會支持民主黨喎。

mailto:pf_lee@appledaily.com

五六年拍一部戲?講到嬲嬲哋,肥佬黎教王家衛拍戲!
想睇今周足本《亂噏24》?蘋果網站動Live預埋你。
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載