› 選擇地區
三藩市
紐約
洛杉磯
其他美國地區
香港 台灣 北美
 
2013年08月06日

長幼同場 光影回到老香港
小學生覺黑白片好睇

一眾長者在老人院欣賞《難兄難弟》,緬懷老香港的風土人情。

【特寫】
舊電影紀錄長者昔日的美好時光,也是小孩前所未見的新奇世界。「舊電影、香港情──老幼齊講戲2013」由康樂及文化事務署主辦、電影及文化中心統籌,長者及小學生以不同角度欣賞舊電影,映後兩代人聚首一堂,席間長者分享舊日生活,帶領小學生神遊舊香江。 
記者:陳家偉 陳潔儀

首次看黑白片的鋒仔(10歲)笑言感覺出乎意料地有趣:「之前覺得好悶,原來咁搞笑。」電影《難兄難弟》中吳聚財因貧窮打劫、自殺不遂製造了很多笑料,讓活在現今富裕社會的他「體會」到六、七十年代老香港的艱苦生活狀況,笑中有淚,「以前香港好多木屋同石屋,啲屋仲有木蝨」。
鋒仔又與長者傾談昔日的生活,令他明白當時社會基層資源匱乏,「婆婆話以前冇乜嘢玩,要用果皮整燈籠」,而往日的物價更令他難以置信,「以前睇戲兩、三蚊,𠵱家睇戲一百蚊!」活動令他獲益良多,他期望可再參與同類活動,「好開心,睇到咁搞笑嘅戲」。
「以前啲人就老老實實,𠵱家啲人就蠱蠱惑惑,唔同晒啦!」居於安老院數十年的雁婆婆(94歲)笑呵呵地說。電影反映六十年代老香港的風土人情及生活,惟光陰似箭,一景一物早已面目全非,「以前乜嘢都好簡單,𠵱家啲人就複雜得多」。平日鮮有家人探望的她十分珍惜是次看電影活動,更能與小學生談天說地,感興奮不已,「好開心,我好鍾意小朋友!同佢哋講吓舊時(生活)都幾得意」。

老人家:心境年輕咗

電影文化中心董事張雯指,了解到很多安老院的老友記行動不便,多年來未有到戲院看電影,故今年舉辦第二屆「老幼齊講戲」,安排6間小學到6間安老院作探訪。「好多老人家其實好鍾意睇戲,睇返一啲舊電影會令佢哋覺得自己心境年輕咗,有個婆婆睇完仲走過嚟錫咗我一啖,話好開心㖭!」她認為現今小朋友的消遣活動都是逛商場和打機,鮮有接觸長者及舊生活文化,盼藉此機會讓他們擴闊眼界。
電影中一幕幕舊生活的寫照,拉近兩代人之間年歲的隔膜,更為他們帶來新鮮與懷念兩種截然不同的感覺。看粵語殘片,再不是老一輩的「專利」,是老少咸宜的時光機,帶我們回到過去,細味老香港。
電影文化中心網頁: http://www.hkfcc.org

社會服務
◆匿名投訴恕不處理。一經投訴,本報保留刊登權利
◆報料熱線:29290000
◆社會服務熱線:29908288
◆蘋果日報慈善基金:29908688
◆電郵:mailto:sservice@appledaily.com
◆傳真:37112468
◆網址: http://charity.appledaily.com.hk

五六年拍一部戲?講到嬲嬲哋,肥佬黎教王家衛拍戲!
想睇今周足本《亂噏24》?蘋果網站動Live預埋你。
http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載