蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月23日

80後開發《神魔之塔》 否認抄襲
戶口$9.96變7位數

【本報訊】港產手機遊戲《神魔之塔》推出半年以來,被指抄襲日本類似手機遊戲,玩家罵聲不絕,發行公司負責人曾建中承認開發過程有參考該個遊戲,但強調兩者有分別,並指新的意念「通常係基於舊有意念出嚟」。這個疑似抄襲遊戲,令這位銀行戶口曾經只剩9.96元的80後創業青年,搖身變成百萬富翁。  
記者:倪清江

曾建中開設的Madhead公司,今年1月底推出轉珠遊戲《神魔之塔》,背景為神話故事,玩家轉動圖案位置過關。惟有玩家發現,它與日本遊戲《Puzzle and Dragon》(PAD)極為相似。
曾建中昨天分享創業經過時就抄襲指控解畫,「我哋真係有參考好多遊戲,嗰個遊戲係其中一個。新嘅idea(意念)通常基於舊有idea而出嚟,如果我乜都冇,唔了解個遊戲市場,未必做到咁嘅遊戲……希望你地見到個差別」。

已有500萬次下載

曾建中表示,《PAD》是100分遊戲,他十分尊重和欣賞。他稱已避免畫相似角色,「呢個難度高唔高?如果我畫得似,就會話係抄」。他有留意網民批評,並指《神》走故事形式,有別於大部份轉珠遊戲,近期聘請台灣女星陳妍希出任代言人。
《神》已有500萬次下載,手機程式市場營收榜首。台灣玩家佔75%,其餘則是本港玩家,每六名玩家有一人會買遊戲點數。
曾建中原任銀行銷售員,月入四萬元,2008年中萌起創業計劃,「我想做自己想做嘅事」,其弟曾建豪也放棄月入三萬元的資訊科技工作,一同創業。他用六萬元儲蓄起家,編寫了一個電子卡網站,「18個月都冇收入,銀行戶口剩番9.96蚊,連最後100蚊都㩒埋出嚟。」
該段時間他幫中學生補習,一餐花費不多於20元。其後開始寫facebook程式,逐漸有廣告收入,手機遊戲《左右腦實驗室》成功,令他決心進軍手機遊戲。現時公司規模已有40人,至於銀行戶口存款,「有七位數字,大部份收入投放公司。如果冇錢賺,資金都夠運作三年」。
兩兄弟都是科大畢業,曾建中指致勝之道是不要怨和主動,「如果怨好難成功幾艱難都唔好怨,成功唔係外界畀,係你爭取幾多。」

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第二集足本放送中!速上:
http://hk.apple.nextmedia.com/livestream/channel/talk24

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載