› 選擇地區
三藩市
紐約
洛杉磯
其他美國地區
香港 台灣 北美
 
2013年07月17日

書展今揭幕 激進政治書成主流
「越多呢類書即係環境越唔掂」

【本報訊】第23屆書展今日揭幕,政府無能、中港矛盾激發本土意識抬頭,激進政治書再成為主角。揭示梁振英無恥的《茂利689》、忍夠強國人的《香港保衛戰》等為港人消氣書目應市。書商料政治書銷情會比去年好,「冇書商會自殺出啲冇人睇嘅書,越多呢類書即係個環境越唔掂」。
記者:袁樂婷 翁煜雄

相關新聞:50周年展衛斯理像曝光

次文化堂是政治書大戶,16本新書中一半與本土意識有關。社長彭志銘指,梁振英政府「淨係幫阿公,唔係為香港人」,令港人醒覺必須靠自己。社會氣氛差,亦令激進聲音更有市場。其出版的《膠噏》摘錄去年七月至今的時事金句,包括梁振英「僭建處理咗,僭建就唔再存在」、「記憶中我冇講過我冇僭建」等。

社會動盪 港人需抒發

近期備受爭議的城邦派代表陳雲,在書展中「勝利歸來」,推出新書《香港保衛戰》,以尖銳言辭捍衞本土意識;「陳迷」李葦更將陳雲自今年1月起於社交網站的言論輯錄成《陳雲激語錄》,「地獄論」、「紐倫堡審判」及「邪神祭壇論」等統統有齊,陳雲昨笑言「自己睇番都嚇親」。
陳雲稱不怕網民攻擊,堅持「戰至最後一兵一卒」。他指港人已陷於孤立局面,只能靠激烈言論自救,「香港人再唔反抗,第時瓜咗冇人會同情你」。他昨反擊書展年度作家陳冠中的指摘,稱自己的言論並無激化中港矛盾或鼓動港人排外,「所謂中港矛盾,根本係大陸不停送人落嚟,民間明白頂唔到,先會有咁激烈反應」。
上書局總編輯鄺穎萱亦指,香港政治民主環境「沒有最荒謬,只有更荒謬」,迫使民間反抗。政治書已成主流,「睇到成個社會去到爆煲邊緣,奶粉可以買唔到;好地地一個佔中研討會又會有人踩上枱搗亂,係前無古人」。她們出版的諷刺漫畫《香港災星》,梁振英、曾偉雄、陳淨心都成主角。

相關新聞:本土文化新書 盡顯地靈人傑

佔領中環討論如火如荼,上書局找來戴耀廷、陳健民、蔡東豪等人撰文解說這場公民抗命。劉細良則推新書《大香港人》論本土,他與陳雲唱反調,指中港根本無法割裂,「可能個政權大家唔接受,但香港人身份係包括中華文化同西方文明嘅核心價值,少一個都殘缺不全」。
彭志銘及鄺穎萱均預計今年書展銷情比去年好。彭已增加入貨量應市,「社會動盪,大家都需要抒發,尤其年輕人鍾意睇激啲嘢,天氣差都唔驚」。
書展主辦單位的貿發局副總裁周啟良指,今年展覽規模勝去年,文化活動及參展商數目均有增幅,更首次有希臘等國家的書商進駐。去年受颱風拖累,入場人次微跌,「如果天公造美,今年人流應可恢復增長」。

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第一集足本放送中!速上:
http://hk.apple.nextmedia.com/livestream/channel/talk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載