› 選擇地區
三藩市
紐約
洛杉磯
其他美國地區
香港 台灣 北美
 
2013年07月17日

任達華反對東北發展 
「點解要滅人哋條村呢?」

【本報訊】新界東北發展方案爭議不絕,影星任達華日前在電影《迷離夜》謝票場向觀眾表示,不希望政府發展東北,認為政府仍有大量荒地可供發展,不應短視鏟平東北這一大片「淨土」,「點解要滅咗人哋條村呢?」另外,昨有傳媒報道,香港高爾夫球會將召開特別大會商議「救亡」行動,力保會員打波場地。
記者:梁德倫

相關新聞:團體送膠波 諷陳茂波卸責

政府執意要滅村強推新界東北發展方案,有市民昨上載一段30秒的短片,拍到藝人任達華日前在其有份執導的電影謝票場發言時,提及不希望政府發展新界東北,「我唔希望佢(政府)發展東北……仲有好多地可以發展……點解要滅咗人哋條村呢?過咗東北,成個山都係佢嘅……佢可以喺嗰度起條公路吖嘛。」

建議發展元朗荒地

任達華昨接受本報訪問時指,香港其實仍有不少荒地可供使用,例如元朗、粉嶺北後方近沙頭角一帶等,「特首上任前都話睇過地圖,香港仲有好多荒地,點解𠵱家又話搵地好難呢?」他明白香港有發展需要,「但係咪可以去遠少少,因為遠啲係有好多官地可用。」
他又說,若政府真的要建造新市鎮,目光應放遠一些,「你反正係要起公路、基建,咁不如去遠啲、規模大啲咁去做,唔好搞到東北呢一片淨土。」他又認為,元朗仍有大量荒地可用,而且有交通接駁內地南山區,「你去嗰度發展啱啲。」
任又稱,今次有感而發是因為近年來中產或中下階層生活越來越艱難,政策支援又少,認為政府應多聽專家意見,「我哋唔係要起好多屋,而係要有番可以休息、可以輕鬆吓去玩嘅地方,好似東北咁。」

相關新聞:劉皇發促做好規劃

高球會開會「救亡」

此外,多個民間團體連日來要求政府收回粉嶺高爾夫球會取代東北發展方案,《信報》昨日報道,香港高爾夫球會不少會員對此深感不滿,擔心日後「冇地方打波」,又認為收地計劃不公平,倒不如收回維園建屋,強烈反對當局向高球會收地發展。有會員稱,會籍是靠自身努力才得到,若被政府剝奪,日後不會令人努力向上。據消息稱,高球會近日也接到大量會員查詢收地事件,為安撫會員,高球會董事局日內會召開特別大會商討救亡方案,然後統一口徑向外表態。

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第一集足本放送中!速上:
http://hk.apple.nextmedia.com/livestream/channel/talk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載