蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月15日
馬上成為壹會員

推銷遊戲 有人一晚收七次 
WhatsApp凌晨凶鈴 狙擊大量用家

【本報訊】昨日有大量WhatsApp用戶於凌晨、清晨時分收到一個由內地電話號碼開設的群組,透過WhatsApp推銷遊戲產品,不少訊息更在清晨4、5時發出,甚至有WhatsApp用戶一晚收到七個相同訊息,被「凶鈴」吵醒,質疑廣告商非法取得電話號碼推銷產品,要求通訊事務管理局及WhatsApp跟進事件。
記者:譚靜雯

「你收到一個遊戲邀請」的群組訊息,昨晚透過WhatsApp短訊推銷遊戲產品,不少港人「中招」。該群組管理員的電話號碼開首為「86」,即來自內地,訊息內容介紹一個叫《無雙天下》的遊戲,用戶可下載並獲取禮物。
大批WhatsApp用戶昨於討論區、facebook聲討廣告商,指摘他們瘋狂滋擾用戶,「我喺凌晨收到兩次,兩次都嘈醒咗」、「我昨晚到現在收到七個,想封鎖都唔得」。另有網民表示,就算即時刪除該群組,同一個廣告商就利用另一個號碼發訊息,擾人清夢。

來自內地 難追查攔截

專門對抗推銷電話的hkjunkcall.com的facebook網頁,昨有近300人表示「中招」,管理員胡文翰認為今次事件嚴重,「今次迴響好大,好多市民以前都曾收過WhatsApp廣告,但今次喺好多人收到,估計佢哋應該有技術可以不停加人名去通訊錄,再不停咁傳送呢啲訊息,希望達到宣傳效果」。
群組管理員的電話來自內地,港人難以追查和攔截,「發訊息嘅人用唔同號碼,冇辦法攔截,幾有理由推斷每個號碼只喺用一次,今次blacklist咗佢,下次佢用第二個號碼做推銷,一定要由WhatsApp嗰邊去做」。他建議用家如感到受滋擾,可通知WhatsApp,「叫佢哋做攔截,或者令系統更加完善」。
WhatsApp昨沒回覆本報,而該發出短訊的電話昨已關機。通訊事務管理局辦公室的網頁顯示,流動通訊應用程式如「WhatsApp」、「Viber」等,受《非應邀電子訊息條例》規管。發言人回應,市民若收到由應用程式發出的推銷訊息,可向管理局投訴及舉報,管理局收到有關投訴後會跟進。
立法會資訊科技界議員莫乃光質疑,政府難以監管WhatsApp等手機程式的廣告推銷,「話就話受規管,但冇實際做過任何一宗調查或跟進,似乎通訊局好似企咗喺到」。


倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第一集足本放送中!速上:
http://hk.apple.nextmedia.com/livestream/channel/talk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載