› 選擇地區
三藩市
紐約
洛杉磯
其他美國地區
香港 台灣 北美
 
2013年07月08日

專題:馬鞍山警署兵變 火爆警司逼跑數

馬鞍山警署近日接連生事,6月25日一名警長被火爆警司責罵後,當場暈倒送院;27日另一名警員又因病假問題,危站天台企圖跳樓,事件矛頭都指向新任警區指揮官倪紹基。
事後警員間互相瘋傳WhatsApp,發洩對指揮官的不滿,管理層也為此出澄清信,呼籲所有人支持指揮官。
之後再有警員主動找《爽報》爆料,指受到指揮官的不合理對待,更強迫他們「交數」,每日規定抄牌和查身份證數目,「我哋嘅指揮官已經去到一個瘋狂狀態,經常掟雜物講粗口,做出一啲好侮辱性嘅行為,將自己嘅情緒發洩喺下屬身上」。 記者:謝志輝 攝影:劉啟文

「𠵱家無論早、中、夜更嘅中層管理階層,早上都必須向佢提交工作報告,逐個細節解釋,如果唔合佢心意,一定收唔到工!」當差已20年的警員陳仔(化名),向《爽報》爆料時仍怒氣沖沖,表示以前巡邏無事發生時,工作報告可以沒有詳細內容,但現在上司指示一定要有內容,例如抄了多少牌,查了多少身份證,或者解釋為甚麼沒有抄牌和查身份證。
而警員覺得最大問題,就是每名警員必須「跑數」,「當咗20年差,從未聽過行動要有數!𠵱家每日出外巡邏之前,就會收到暗盤指示,每個警員最少踢三個竇(查身份證),抄牌少過五個唔好返嚟!」陳仔解釋,暗盤是指揮官不直接向他們下令,而經幫辦向下施壓。

每月抄牌1,200個 冇時間拉人

所有警員頓覺壓力大增,中層領導雖知不合理,但照樣遵從指令,於是所有壓力都由前線警員承擔,「我哋執法唔緊要、拉犯唔緊要、係天公地道,但執法嘅目的係打擊罪案,並唔係為交條數出嚟!例如今年要拉幾多個罪犯,要告幾多個人坐監」,陳仔表示破案不可能有個預定數目,整個政策非常荒謬。
雖然要求不合理,但警員為了跑數,就算師奶或者阿婆都要查。「真係氣頂,有時見到阿婆手震震,唔通懷疑佢有武器去搜佢身、查佢身份證呀!阿婆分分鐘鬧番我,話幾十年嚟都冇俾人查過啦!」
陳仔指為了完成票控數量,就算凌晨3、4點,都要去一些甚少罪案發生的街道湊夠數,甚至求其找幾個人來查身份證,基本上已經脫離是否可疑的基本要求,「市民都對我們嘅行動好反感,最令同事難受嘅其中一件事,就係有晚巡邏小隊一出勤就為咗交數去抄牌,其間附近發生案件,都冇幫手拘捕疑犯,返到警處反被其他同事怪責,點解唔幫手去拉人,嗰一刻心情極難受!」陳仔透露,現時每隊八個巡邏警員,每月抄牌數目由100張大幅增加至400張,以警署分三更計,一個月就要抄1,200張牌,但按指揮官的要求,這個數量仍未達標。

商戶:每日嚟四次 簡直黐線

對於警員要交數,馬鞍山安誠街一帶商戶都表示,最近抄牌次數確實比以前頻密,「以往每日最多抄一次牌,𠵱家每日警察嚟三至四次」,附近餐廳員工也表示,以前抄牌通常一次過就算,現在每日來四、五次,「啱啱三架巡邏車抄完,之後又嚟多部警車再抄,簡直黐線!警員講到明係上級嘅指示,冇辦法!」
「非常唔合理,管理階層又經常侮辱下屬,希望警隊高層能夠關注我哋馬鞍山區嘅情況,𠵱家整體士氣已經跌至谷底,甚至破產,好多同事都申請調去其他警區!」陳仔表示,身為警員要找傳媒控訴,自己也感到很難過。
對於馬鞍山區警員的怨言,警察員佐級協會主席陳祖光認為難以理解,特別是他未曾聽過有警員須交數,「到現時我未收到馬鞍山警署員工投訴,據我所知就肯定冇交數呢回事」。他指查身份證或抄牌,是要基於市民有沒有犯法,及要視察當時實際環境,「或者同事同個指揮官睇一件事角度唔同,指揮官判斷事情背後有好多因素,同事未必理解,其實可以先執行,再經內部投訴渠道上訴」。
而警察公共關系科回覆本報時表示,6月25日確有警員與管理人員會面後不適送院,27日企圖跳樓的警員,則事發前不曾與管理人員會面,上述事件中也無人須接受內部調查,管理層也一直根據區內情況靈活調配人手。

你想爆?幫你爆!
熱線電話:2990 7225
mailto:Bom@sharpdaily.com.hk
WhatsApp:9131 4511

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載