› 選擇地區
三藩市
紐約
洛杉磯
其他美國地區
香港 台灣 北美
 
2013年07月08日

隔牆有耳:
梁家永獲港台翻閹捱轟 - 李八方

已退休嘅港台電台部中文台前台長梁家永,近日又重返港台做節目,頂替放兩個月大假嘅車淑梅,主持《舊日的足跡》,首集訪問「正字特警」何文匯。有員工話,呢次安排好罕見,懷疑係咪背後有人透過家永返嚟做節目投桃報李呢?

疑鏟走吳志森有功

此話何解?大約一年半前,家永通知兩位前烽煙節目主持周融同吳志森齊齊冇得撈,幫港台一手鏟走多年來經常批評政府嘅吳志森。
有員工話,家永因為呢件事獲廣播處長鄧忍光兼剛剛升正嘅助理廣播處長周偉才賞識,去年退休後,機構內早盛傳佢日後會重返港台,但今次嘅做法好有問題:「一來佢係退休公務員,二來佢有乜嘢才能係非要搵返佢嚟不可呢?係咪幫佢(高層)做嘢嘅人就有bonus,當係酬庸?」
家永回應,第一台節目總監鄭啟明搵佢頂替淑梅姐兩個月,安排「冇乜嘢特別」,被問到係咪「叮走」吳志森同埋周融嘅回報,佢就否認:「唔覺得有乜嘢着數,我都唔知幾想嘆世界。」

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載