› 選擇地區
三藩市
紐約
洛杉磯
其他美國地區
香港 台灣 北美
 
2013年07月08日

隔牆有耳: 
口味露玄機 劉皇叔愛「讓梁瓜」 - 李八方

噚日大埔林村舉行客家美食嘉年華,狼振英原本任主禮嘉賓,點知撞正黃色暴雨,佢臨時取消出席,當雨勢細番時,佢又話嚟,扭扭擰擰半粒鐘,最終放咗飛機,玩殘班新聞處人員同G4,淋足成個鐘頭雨。狼英潛水,本來要向狼申訴反對屯門擴展堆填區嘅鄉議局主席劉皇發,有冤無路訴,惟有語帶相關話自己最鍾意食「釀涼瓜」,唔通佢想揭竿起義「讓梁瓜」?

撞正黃雨狼英潛水

主辦單位香港客屬總會主席梁亮勝話,考慮到安全問題,所以通知特首辦叫CY唔好嚟喎。但唔知點解,中聯辦主任張曉明、前全國人大常委曾憲梓坐住輪椅都冒雨出席喎。誠意呢樣嘢,真係睇你有冇心囉。據大埔地區人士話,狼英喺開幕禮前,講到明未必趕得切5點到,問儀式可唔可以5點半舉行?地區人士見落大雨,啲嘉賓又到齊,唔諗住押後,索性叫佢不如唔使嚟。
咁又係,狼英民望咁低,都係少啲曝光為妙。當劉皇叔獲邀品嚐客家美食時,唔知佢有心定冇意,被問到最喜歡枱上面邊款客家菜,好似客家炆豬肉同黃酒煮雞等,點知劉皇叔款款都唔揀,剩係話最鍾意食「釀涼瓜」。

曾憲梓又騎呢獻唱

唔少記者聽到都笑咗出嚟,釀涼瓜「讓梁瓜」,港式英語即係「let leung die」,最近劉皇叔就擴建屯門堆填區問題同政府打對台,仲諗住撐長毛拉布㖭,睇怕劉皇叔今次終於明白撐長毛即係撐自己,唔怪得藉一件釀涼瓜表心迹啦。噚日有份抽水嘅仲有曾憲梓,藉辭發炮反佔中、又無端端唱起《沒有共產黨就沒有新中國》,騎呢到不得了。

李八方
mailto:pf_lee@appledaily.com

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載