› 選擇地區
三藩市
紐約
洛杉磯
其他美國地區
香港 台灣 北美
 
2013年07月06日

編寫導演全才 廣播界拜服

在處境劇《香港81》中飾演覺悟因(左),是一名相士。劇照

【後無來者】
商台廣播劇《十八樓C座》監製馮志豐,在無綫處境劇《香港84》及《香港85》中做過李我的兒子。劇中李我飾演相士,他指現實中李我醫卜星相無所不曉,「李我叔仲識測字,平仄對對都係佢教我」。他更指李我錄音直播時,因為太多粉絲參觀,後期改關燈廣播,「李我叔話唔想啲人好似睇動物咁睇喎」。
馮志豐說:「佢(李我)同我講後生有錢過,到27歲人經歷過走難、老婆走佬,佢嘅經歷令佢嘅廣播劇故事咁豐富。」另外,李我原本習慣一人一燈在錄音室直播,不過後來慕名參觀的人多了,到後期改為關燈廣播以免被人當動物般觀賞。

相關新聞:書展再講古 道盡香港變遷

當年地位等於今日俞琤

資深傳媒人黃天朗則師承李我,「我個藝名(黃天朗)都係師傅改,當年商業電台開台,佢係老總,地位直情係今日嘅俞琤咁。師傅公私好分明,覺得你做得到嘅就畀你做,而佢嗰種一人分飾幾角冇稿講古仔嘅方式,真係後無來者,除咗師傅我諗係得師母蕭湘可以做到」。
前副廣播處長吳錫輝用拜服形容對李我嘅感覺,「李我叔喺我心目中係一個廣播界嘅全才人,我𡃁仔識佢嗰時聽電台,佢由編、寫、導、播、演一個人,我哋真係做唔到,唔可能咁versatile(多才多藝)。對我呢啲後進嚟講係天才,真係拜服、折服」。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載