› 選擇地區
三藩市
紐約
洛杉磯
其他美國地區
香港 台灣 北美
 
2013年07月04日

則師證大劉開標前改圖則

【本報訊】華置主席劉鑾雄涉賄澳門前運輸工務司司長歐文龍案續審,昨日為華置繪製圖則的港、澳兩家建築師樓職員作供,承認華置早於偉龍馬路五幅土地開標一個月前,已對圖則有意見要求動手修改,但強調直至開標後才收到樓層容積率等詳細資料。
澳門氹仔機場對開、偉龍馬路五幅土地於2005年6月16日開標,27日截標。香港興業建築師梁華達供稱,5月中華置曾表示:「機場嗰度要改,但係唔知做乜嘢」;6月9日華置要求加添水池、綠化等輕量修改;同月18日,即開標後兩天才突然傳來文件,備有五幅土地分別有高度限制、樓層容積率等詳細資料,故趕工修改內容,並按華置要求,從純住宅項目再加入商業項目,「最初係成個地段總體規劃,冇理地段分隔,18號知就改番。」

無交華置過目

梁華達憶述,趕工中途大約6月23日至24日,才知道25日是死線,「25日朝早都仲做緊」,最終趕及起貨,但已無足夠時間交華置過目,惟有直接按華置要求送交仲量聯行,但當時並不知道圖則將用作投標,「過往經驗同華置做嘢不嬲都趕,唔知攞嚟做乜嘢」。
法庭再度質疑,華置未投得土地便進行規劃,做法不尋常,梁華達指,按香港發展商的習慣,未投標便構思初步概念其實「好普遍」,而有關圖則只供「計數睇吓回報係幾多,唔可以用嚟施工」、「確定實際要做,會重新研究單位大小」。
被告劉鑾雄繼續缺席,其女友呂麗君下午始到場旁聽,未有發言。另一被告港商羅傑承昨全日列席審訊,至黃昏審訊中斷才匆匆離開。審訊7月15日繼續。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載