› 選擇地區
三藩市
紐約
洛杉磯
其他美國地區
香港 台灣 北美
 
2013年07月02日

對厚顏無恥梁振英忍無可忍 
人民做老闆 炒特首魷魚

【7.1之全城倒梁】
7.1狂雨下,人民揮汗水、順良心,豪情勝舊時。不論是厭倦了語言偽術的夫婦、拿着溶爛紙標語慨嘆不停被大陸化的市民、不忿庸官「企喺敵人嗰邊」的老師、還是抱着孫兒撐着傘、大叫「頂佢唔順」的長者,看了梁班子的爛戲一年,已經忍無可忍,誓言要與43萬人將那厚顏自稱「不敢自滿」、裝睡扮鴕鳥的梁振英一腳踢下台!

記者:張嘉雯 呂浩然 吳嘉羚 潘柏林

相關新聞:爭取真普選 十年沒有變

梁振英管治下,港人學會了「無恥才是勇」,抱着1歲孫女上街的顧先生直言「頂佢唔順」,2003年50萬人遊行後決定再次現身街頭,「唔滿意佢講大話,佢個位呃番嚟㗎之嘛,佢識講嘢?好多人都識講嘢啦,佢呃得好出面,我頂佢唔順呀,為咗香港人,唔想再繼續咁落去,我諗都要做啲嘢囉。」

相關新聞:港府施政陷「空轉」困局

「根本企喺敵人嗰邊」

年逾古稀的李氏夫婦,每逢六四、7.1都有上街發聲,批評當初梁振英「靠呃」才可做特首,「當年阿爺都冇諗過畀佢做,佢係second choice(次選)之嘛。」他們兩老昨早自製標語寫上「梁振英下台、我要真普選」掛在心口,認為除了梁要下台,香港人更要有一個真正民主的普選制度,「好似台灣咁,就算揀咗個貪污嘅阿扁(陳水扁),人民都有制度炒佢魷,香港都係,唔係要一個只聽中共話嘅特首」。他們又批評,回歸至今只有倒退沒有進步,「所以我哋只能行出嚟,冇其他選擇」。
從事藝術戲劇教育工作的阿謙,被國民教育氣炸,「點解要啲學生讀國民教育?有乜嘢歷史、文學做唔到?就係立場囉,歷史唔會講大話,國民教育可以講大話,因為政權唔公義,想隱瞞,就透過教育方法磨滅啲小朋友嘅心志,好過份」。他狠批梁振英與敵人站在同一陣線,「佢根本企喺敵人、中共嗰邊,唔係企喺我哋嗰邊,冇幫我哋爭取過任何嘢,做好多嘢只係想令我哋快啲被同化,同化落中國度」。

「點知仲衰過董建華」

由2003年開始,每年都會參與7.1遊行的嚴先生,自製道具裝具戴上高帽寫上「CY下了台普選有望來」標語,他批評梁振英上任至今大話冚大話,對民主普選毫無承擔。他直言梁上台前曾對他有期望,「點知佢仲衰過董建華,根本唔值做特首」。
自言是「李柱銘年代」的陳先生,坦言爭取普選多年,不明白為何最後走出了一個只得689票當選、滿口謊言的人當特首,「佢嗰班人,乜嘢人都有,偷呃拐騙又有、呃錢又有,咁冇誠信嘅人,最基本一樣嘢,點代表香港呢?不知所謂」。他又批評,經常以香港精英形象自居的梁振英,過去一年醜聞不斷,毫無建樹,「港人港地,解決唔到中產同後生仔嘅買樓意欲,仲推高樓巿,我最想係梁振英下台,講俗啲,劉德華做,都做得好過佢啦!」

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

爭取真普選 十年沒有變 港府施政陷「空轉」困局 萬人出席集會 高呼蓄勢待發和平佔中 力量穿透坦克 戴耀廷:港人不靠當權者爭普選 留守遮打一周 為佔中熱身 團體接力 絕食170小時 撐佔中者心聲 市民上街怒吼 向篩選說不 尊子組大聯盟  「刁民」畫公仔爭普選 長毛圖踩場 被困鐵馬陣 打小人婆婆 指怨氣飆升 梁去酒會吹噓「政績」 「鱷居居」「河蟹」「勞虎」一無是處 怒火化創意 諷廢柴高官 幼稚園教師 聲討吳克儉 張震遠表現最差 曾德成只識河蟹 禁市民從崇光門外加入大隊警製造混亂 拒開放馬路 黃錦星「未夠班」 重演熊抱事件 斥警方濫權 警員「掹槍」包白布防雨 等政府落實普選等到不耐煩民主戰將 紛紛用腳投票 王永平第一次上街抗爭 無懼遭恐嚇 黎智英獲力撐 劉夢熊「路過」街站捐款 記協怒轟梁班子打壓新聞自由大倒退 大愛同盟首次擺街站明哥:要嗌更大聲 黃之鋒:特首撕裂香港 殘疾者斥推政策似蝸牛 居港德人:共產黨愛滅聲 網民到軍營外抗議 視障者 黑暗中走出來 網上電台轟假大空 基層嘲狼英縮頭龜 科大生:一定要下台 退休護士嘆生活難 少女:冇普選就佔中 RubberBand維穩騷倒梁 無綫轉播「河蟹」版 剪走爭普選言論 入場安排差 觀眾區水浸 陳淑芬續死撐維穩騷 指活動被騎劫 回歸騷出盡法寶「拉客」 撐場前請飲茶 愛港力陳淨心維穩騷玩失蹤 愛港之聲誓師呃人 拉自由行扮港人 300出席者報1,500 珠寶店3.5折反應一般 慶回歸變㷫回歸 優惠商戶被斥搵笨 時裝店怕怕 「下年咪搞」 茶餐廳半價餐乏人問津 米蘭站兩分店門可羅雀 酒樓百罐溏心鮑魚滯銷 康泰推着數團生意更差 六成遊行市民表明參與佔中 拋離林鄭 獲近半人支持 余若薇成「民選」新特首 一人一書點醒冇料狼英 佔領中環可改變一切 一人一書點醒冇料狼英 越受壓迫市民越反抗 43萬人風雨一條心 CY下台
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載