› 選擇地區
三藩市
紐約
洛杉磯
其他美國地區
香港 台灣 北美
 
2013年07月01日

吳靄儀堅持
唔行肯定冇民主

03年50萬人參加7.1大遊行,踢走23條惡法,讓當權者看到人民的力量。

過去一年,大家辛苦了,跨了區的學童忙着返回、買了酒店房的忙着被以和為貴、賺了的血汗錢忙着交給地產商、曾經的樂土忙着侍奉自由人。今時今日活在香港,人人顛沛流離,吾家只能落在7.1街頭,那兒有熟悉的汗臭、不滅的民主訴求,相看照面,是香港人不死的臉。來,走下去,希望就在前頭,腳步撥開雲霧,就是香港人的黎明。
記者:張嘉雯 呂麗嬋 陳雪玲 袁樂婷

相關新聞:壹傳媒懸紅100萬緝兇 護公義遭恫嚇 絕不退縮

忐忑的一天開始,東起維園,西至舊立法會,是人民與強權對決的戰場,明知開大開小,最後贏的始終是莊家,但公民黨創黨成員吳靄儀認為,離開賭枱並不是上算,在她眼中,7.1上街再不是人數多寡、實際效果的問題,而是香港人堅持民主的標誌,「堅持未必可以得到成果,但出嚟行表示我哋仲堅持,唔行就肯定冇民主」。
翻看當年的《A45報》,吳靄儀感觸良多,「03年大遊行之後得到好大鼓舞,民意好清晰,我哋成立45條關注組,諗住由容易做起,講行政長官選舉辦法」。說着她苦笑,「事實證明,以為容易嘅嘢都咁難」。
自05年開始,這位前任法律界立法會議員感到前路越來越難走,樂觀想法被靠攏中央的曾蔭權、遊花園政改方案消磨殆盡,「到𠵱家西環治港,頴爛塊面,好露骨,搞搞吓連成個普選意義都改埋」。
與03年相比,她認為現時民怨更深,巿民更看不到將來,「03年嘅時候民情好積極、好有信心,𠵱家唔止通脹高企、冇屋住,而且職業穩定性低,好多嘢唔穩定,最慘係後生仔覺得自己冇前途,以前佢哋唔會覺得食唔起、住唔起,但𠵱家佢哋連棲身地方都冇」。

中央最怕公民社會

「香港人俾個包袱壓到好沉,對一國兩制嘅失望絕對好多」。立法會逢投必輸,行政機關不顧巿民利益,結果法庭成為人民的重要希望,「但特區政府視法治如無物,滿口法律,但全無法治精神,開口埋口依法辦事,同大陸同一口徑,以為法治就等於拉人,邊個唔啱拉邊個就係法治」。她批評政府把法律視為打擊異見者的工具,示威者判刑越來越重,是顛覆法治。
社會敗壞至此,7.1遊行仍然有用嗎?「呢個唔係有用冇用嘅問題,而係我哋堅持民主嘅標誌,堅持未必可以得到成果,但出嚟行表示我哋仲堅持,唔行就肯定冇民主;好似六四咁,係咪應該放棄呢?唔好畀人睇低我哋,喺遊行裏面我哋得到好多鼓勵,好多見開嘅人,仍然見到佢哋,好多新人、年輕人薪火相傳」。
她解釋,每年7.1前親北京團體都有很多小動作,今年更加設商舖優惠、超級維穩show,反映中央其實非常在意,「佢哋怕嘅唔係立法會,怕嘅唔係政黨,最怕係公民社會」。

相關新聞:壹傳媒聲明

透過蘋果互動徵集的口號

Sam Yiu:出賣港人爛特首 搞到市民冇氣唞

Gary Wong:民主路一開 好事自然來

Noel Chu:佔領中環 帶領中華

Alcuin T K Lai:不要思歪 普選最佳

Kam Foon Wong:新聞言論自由港 不做政府潤喉糖!

Alison Lee:自由民主要守護 七一上街不待斃

黃耀輝:今年7.1不站出來 明年7.1站不出來

Luke Kwong:笑騎騎 放毒蛇 信狼英 實輸清

Adam Cheung:外拒共匪 內除港奸 復我中華 還我河山

Eric Leung:出得嚟行 你預咗要還 出得嚟中環 你就要行

Tze Kin Chau:梁振英 滾!

Ringo Li:狼英689 快啲趕佢走

Frankie Cheung:趕走梁振英 家和萬事興!
以上口號為《蘋果》讀者在網上提供

蘋果互動

【今年7.1,有咩理由令你上街?(首六位)】
爭取真普選:518票

要梁振英下台:434票

不滿政府垃圾施政:267票

抵制建制派購物優惠,上街不消費:142票

我只係搵唔到一個合理理由唔上街:101票

捍衞言論自由:99票
上述為25/6/2013中午12:01至30/6/2013晚上10:30《蘋果互動》投票結果;共2,143人投票(共39個選項)

【你估今年有幾多人7.1上街?】
少過10萬人:25票
10-20萬人:25票
20-30萬人:30票
30-40萬人:61票
40-50萬人或以上:679票
上述為24/6/2013晚上9:23至30/6/2013晚上10:30《蘋果互動》結果;共820人投票

http://www.facebook.com/AppleDailyExchange

【7.1上街】毋懼打壓 打機消氣
近年警方經常粗暴對待示威者,輕則熊抱兼抬人,重則出動胡椒噴霧「喪噴」示威者。但港人追求民主無畏無懼,點會輕易屈服?即玩《七一的進擊》和《Don't BIG Me》兩個小遊戲,大家一齊消消氣。
網頁遊戲:七一的進擊: http://bit.ly/71defend
手機遊戲:Don't BIG Me: http://bit.ly/Dontbigme

壹傳媒懸紅100萬緝兇 護公義遭恫嚇 絕不退縮 壹傳媒聲明 請你來十五分鐘也好 針對傳媒暴力從未停止 幕後元凶多逍遙法外 歪曲普選 鼓吹釋法 力撐洗腦賣港譚惠珠 獲頒大紫荊 收恐嚇電話 梁國雄堅持上街 梁粉分餅仔 民建聯大贏家 唐營商界也有份 勳章難買大團結 大搞洗腦有獎賞 國教五推手得米 令粵劇打破傳統 白雪仙得金紫荊 公民抗命與香港前途 戴耀廷信有Plan B 倒梁還看遊行人數今日之後 有機會換特首 佔中三子籲上街 不提早佔領 林煥光抹黑佔中:會釀悲劇 藝術家製道具讓市民進擊 10呎「共人」諷吃人政權 各界促特首為空頭支票找數 傳黑幫派600人混大隊搞事 碼頭工爭集體談判權 我們10年的足迹 遊行中訂婚一人行到一家人 神父羅國輝:坦克車嚟我照去 藝人歐錦棠:已到最危險時候 反領匯盧婆婆:唔知乜嘢叫灰心 拒買樓青年:毋須設特定議題 【香港人的聲音】碧樺依:We're watching you 【香港人的聲音】電台DJ:擺街站為聽反應 【香港人的聲音】社運女:喚醒工人爭公義 【香港人的聲音】巫志勇:感迷失盼有C餐 【香港人的聲音】彭志銘:要行畀13億人睇 【香港人的聲音】六四樂隊:民主絕望中成長 【香港人的聲音】的士佬:不怕堵路我都行 【香港人的聲音】Willis:可聽非主流聲音 【香港人的聲音】周諾恆:遊行是入門初階 RubberBand唱完《睜開眼》去遊行 維穩騷今響起示威歌聲 禁記者錄音錄影做訪問 我是香港人 我要真普選 上街爭普選 維園見!
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載