蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年06月27日

直搗愛港之聲心戰室
反佔中軍情曝光

七一臨近,瘋狂跳出來反佔中、反泛民的「愛港之聲」成為親中勢力打頭陣的先鋒。《蘋果》記者前日直擊愛港之聲召集人高達斌的大本營,發現這裏原來是個迎戰七一的心戰室,白板上密密麻麻是阻擊泛民、佔中、反國教的策略。對於去年七一有四十多萬人上街反梁振英,他發惡說:「幾十萬唔妥佢,七百萬人中幾十萬之嘛,連七十萬都無!算係幾多,仲要報大數!如果你有三百五十萬就話!」
記者:關震海 黃學潤 梁美寶

相關新聞:7.1前巨花槽佔領遮打

愛港之聲召集人高達斌前日接受記者訪問,他自稱與十多名核心成員志趣相投,去年九月成立愛港之聲,今年三月正式註冊成社團,至今網上已有三千人,他還毫不介意指愛港之聲到佔中場合踩場、對罵大叫,就是他們策略。
採訪當天,記者再三要求,高達斌答應記者參觀位於油麻地永旺行的愛港之聲大本營。上址門口掛着生活教室大牌,高達斌說平日是中小企開會之地,現已被愛港之聲徵用,每周最少開一次會,討論反佔中、抗泛民的策略。

走入單位,記者見到大白板上寫滿「向全港商戶提供優惠」、「護港行動」、「要求教育局嚴禁學校宣傳佔中」、「聯絡各家長會,呼籲反佔中及解釋其禍害」等策略,高達斌即大叫一聲「弊!未刷黑板,唔影得㗎!」飛身撲前,大力刷走字迹。
這個猶如心戰室的單位內,擺放多張橕梁振英的橫額、大批的喇叭、海報、反佔中的襟章等,亦有數百本《基本法》和去年慶回歸的紀念冊等,高達斌指這些物資都是派給核心成員,喇叭等經常大派用場,用作「發言」之用,將來還要在此辦教育,「要開學習班,你哋都有民主書院,民主大學,點解我哋唔可以開啲學習班」。
談到梁振英,他誇張地說:「我覺得佢(梁振英)情況好惡劣,無人橕佢!梁振英早期真係喺深切治療部(ICU),𠵱家已經離開咗,𠵱家喺療養院,佢過咗2013年,佢見到好多人出嚟橕佢,幫佢護行、有人幫佢發聲,變咗少啲烏蠅嬲佢!我哋就係嗰啲烏蠅貼。」他自稱替梁振英撐過了難關,但記者質疑,去年七一有四十多萬人反梁,他隨即發惡:「幾十萬唔妥佢,七百萬人中幾十萬之嘛,連七十萬都無!算係幾多,仲要報大數!如果你有三百五十萬就話!」

相關新聞:派100萬襟章 組織萬人對抗

「民意係老幾呀!」

記者又說前特首董建華,亦是七一被五十萬人拉下台,高達斌激動失控:「董建華唔係民怨落台,真係因為腳痛才落台!民意係老幾呀!最緊要係民情呀!民情係民間實實際際情況,啲人無飯開,先係民間真正情況!班友喺度玩政治,A、B、C都未得!」

他又在記者耳邊嚷着:「中國共產黨邊無得選?你選男朋友點選呀?使乜投票,你打電話去傾多幾句就係選咗啦!中國人嘅選舉方法係唔同西方式,中國人係鋤頭鐮刀,揭竿起義。」

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載