蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年06月18日

齊請梁振英食豉椒炒魷

黃浩銘

近年的7.1大遊行,晚上總有壓軸環節,留守舊政總、堵塞中環,社民連成員黃浩銘從不缺席。當年他向曾蔭權遞上粟米斑腩飯一舉成名,今年7.1,他呼籲市民通宵留守新政總,齊齊請梁振英吃豉椒炒魷,「我哋要普選,叫佢以後唔使返工」。他批評,現屆問責高官「個個都廢」!

禿鷹上任示威者頻被捕

2003年7.1大遊行場面浩蕩,黃浩銘竟全無印象,「嗰年中三,乜都唔識,淨係記得沙士有假放」。他在1988年出生,本來政治冷感,直至聽見黃毓民在選舉論壇大叫「民建聯最無恥」,開始聽網台,2009年第一次上街行7.1。他與網民跟着「Donald Tsang Pok Street」橫額行完即散水,眾人很滿足,「通常7.1大家好興奮,成條街嘅人同一理念,好團結。行完就返屋企囉,唔係點呀」。
黃批評,現屆問責高官「個個都廢」,發展局陳茂波聲稱土地缺乏,拒把勾地表轉起公屋,「即係落實唔到梁振英起屋政綱」。勞福局張建宗則「講嘢三幅被」,重申關愛老人,卻設長生津資產審查,全民退保和貧窮線又交白卷,「梁班子個個淨係識抽水,冇一個交到好政策。」
眼見高官越來越廢,黃浩銘漸漸意識7.1遊行的不足,「7.1係市民畀政府同泛民嘅成績表,一定要行,但遊行之外一定要升級,唔好浪費咁大政治動員」。2010年他通宵留守舊政總,被警員抬走,「想留到第二日,要曾蔭權面對我。畀人抬都冇計,起碼我盡力。」
2011年7.1他跟大隊堵塞干諾道中,引來反效果,「我反省過後,對突然堵路有保留,如果事前說服唔夠,搞到群眾同我對立,而唔係同當權者對立,你啲理據有幾高尚人哋都唔會聽。」
泛民一直力爭民意「最大公因數」,拒絕激進。黃浩銘指,假設今年7.1有四十萬人上街,每100人有一人留守,已有4,000人包圍政總,「大家生活艱難,我唔期望所有人都留,但起碼民主派議員要留。人哋投票畀你,係將個心交畀你,你除咗嗌平反六四,仲做過乜?」但抗爭也有代價,曾偉雄上任警務處長後,黃浩銘指,警方的打壓加強,社民連示威者被捕人數也不斷增加。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載