› 選擇地區
三藩市
紐約
洛杉磯
其他美國地區
香港 台灣 北美
 
2013年04月22日

專題人物:
隱世「貼士王」:長賭必輸

中環不愧為投機勝地,一身老西的金融才俊固然炒股炒輪,就連身穿飛機恤的老翁也一身貼士,不過他的強項卻是賽馬,30多年來在中環報攤寄賣博彩心得。
他早年曾替著名馬評家董驃抄貼士,但賭客如想靠他刀仔鋸大樹,還請三思,貼士標榜「機密」,其實抄自馬報,他不過搬字過紙而已;而且他試過賭到損手爛腳,如今領綜援過活,貼士勝算頗成疑問。 撰文:中環特工隊

50、60年代賽馬興旺,帶動馬評家寫賽馬貼士,在報攤寄賣,後來互聯網出現,街頭貼士走向末路,不過今時今日的中環,還看到它蹤影。皇后大道中與石板街交界有個報攤,檔後圍板貼上七、八張街招,寫上:「局內人士」、「早有安排」、「真過珍珠」等等,還註明彩金高達62萬多元。

幫董驃抄貼士 簡而清請飲茶

售賣這份賽馬貼士的報攤女東說:「我寄賣咋,100蚊3Win 2Q,200蚊就4Win 3Q,寫貼士嗰個人唔會出現。」她不肯透露自己分賬多少,只說早在30多年前其父擺檔的日子,這名「貼士王」已經掛單,還有熟客長買,不過近年已沒幫襯。「冇報攤畀佢掛單,我咪畀佢喺度賣囉。佢仲同我講,想當年輸得太多」。
記者在報攤附近守候幾天,終於發現一名滿頭白髮的男子,身穿杏色飛機恤,手持紅色膠袋,走到報攤後端,從膠袋掏出幾張賽馬結果貼在圍板上,並以紅筆圈着跑出的號碼和派彩,再到檔口拿走新出版的馬報,便匆忙離開。三小時後又回來,放下剛寫好的貼士,便乘搭港鐵離去。
貼士王行程緊密,來到在旺角荷李活商業中心對開的報攤,再貼上街招,並將貼士交給報販,再搭港鐵返回觀塘翠屏邨住所。
事隔三天,他再次現身中環,記者佯稱馬迷上前索取貼士,他也「開誠布公」:「嗱,咁樣,呢隻搭嗰隻,呢隻搭呢隻,再呢隻搭嗰隻,運氣吖嘛!」他說得兒戲,仿似不用刨馬經,「唔使刨㗎!左搭右搭就得㗎啦!講媖運吖嘛,六合彩頭獎夠有人中啦!既然你搵得我,我老老實實講畀你聽」。然而從街招所見,他的命中率卻極高,他從實招來:「你咁都信呀?呢啲係廣告嚟㗎,廣告你都信!如果係得,我早就發達啦,仲使寫咩,哈哈!」他不願透露每月所賺多少。
貼士王自稱姓黃,73歲,畢業於深水埗香江中學,幾十年前經朋友介紹認識董驃,自此合作,驃叔口述貼士,他抄下發給報館,「我嗰時20幾歲,幾百蚊抄一次,中唔中就另一回事,最緊要有稿費收。佢叫我哋唔好賭咁多,賭得越大,越死得快」。他自詡另一知名馬評家簡而清生前亦跟他熟稔,每次贏錢都請他飲茶。

左抄右搭唔算呃 「做人要講運」

黃伯不願置評是否輸過大錢,只說:「我話畀你聽,長賭就輸梗,唔輸就問我啦!你睇媖幾多人輸到跳樓?」
黃伯與女友住在翠屏邨,靠綜援過活。他憶述早年還當過巴士票務員及小販,退休後患上糖尿病,仍無阻他寫貼士過日辰,但他否認欺騙讀者,「照我買法中咗,點算欺騙呀?我只係按專家貼士,再搭多幾隻自己心水,六合彩求其都有人中頭獎啦!做人都要講運㗎,人哋一出世就做咗李嘉誠個仔,我一出世就做乞兒,咁你話做人係咪要講運?」

中環爆料熱線
WhatsApp:9499 3777

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載