› 選擇地區
三藩市
紐約
洛杉磯
其他美國地區
香港 台灣 北美
 
2013年04月22日

隔牆有耳:
立會議員炒餸嚇怕名廚 - 李八方

換上廚師服嘅梁家傑,姿勢十足。黃耀興攝

立法會議員把口就天下無敵,但十指不沾陽春水嘅佢哋,煮嘢食就有心無力。噚日九位議員夥拍智障人士,以烹調牛肉比拼廚藝,大會評判名廚周中師傅,同埋香港廚師協會委員楊國基(Billy)試味時,忍唔住口「炮轟」議員,狠批佢哋煮餸唔落鹽、牛肉竟然有什果賓治味、炒到過晒龍,話今次試到議員嘅手勢,真係「三生有幸」!

陳恒鑌奪冠

第九屆扶康會「香港最佳老友」運動電能烹飪比賽噚日舉行,最後由民建聯陳恒鑌嘅翠玉瓜炒牛肉攞走冠軍。
陳恒鑌話自己細細個已入廚,煮開乾炒牛肉,所以無難度。而地獄廚神就非民主黨黃碧雲莫屬,佢碟蘋果炒牛肉,以士多啤梨圍圈伴碟,烹調過程令人滴汗,主持人李志剛都忍唔住話,韓燒、藥膳、油浸乜都齊。周中師傅賽後都話黃碧雲嘅菜式令佢難忘:「其實個味道都幾奇怪。」其實呢場比賽貴乎議員同智障人士嘅合作性,味道仲係其次。
工聯會鄧家彪同民建聯陳恒鑌喺呢方面真係抵讚,全程都畀機會拍檔發揮,唔會乜嘢都霸住做,又會互相溝通,至於其他議員,就認真要學吓。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載