› 選擇地區
三藩市
紐約
洛杉磯
其他美國地區
香港 台灣 北美
 
2013年04月09日

專題人物:設計師踢爆示範單位古惑招

早幾年市場充斥濃妝艷抹的示範單位,迷你家具、玻璃牆,惹來政府立例規管,規定示範單位的樓底、間隔、窗台等尺寸須與樓書一致,亦要提供清水房(即符合交樓標準的單位),條例在本月初正式實施。
李芯泳(Monique)曾設計新鴻基的天璽、壹號雲頂示範單位,她以行內人身份踢爆發展商的古惑招數。
記者:譚淑美 攝影:胡智堅

幾年前豪宅收樓貨不對辦,矛頭直指示範單位誤導,Monique可會是黑手之一?她說:「示範單位始終要有空間感,我哋會用好多鏡、玻璃,令空間睇起嚟大啲。」

為偷位電視機藏牆身

她說,出自她手筆的單位不會騙人騙得太離譜,但行內有些設計很誇張,「例如實際樓底只有2.8米高,但示範單位就3米幾,再加一條線列出實際高度,令人產生錯覺。主人房嘅雙人床一般放5、6呎(闊)床,但示範單位只放4呎床。正常衣櫃深度係600mm(毫米),變咗做400mm,同埋衣櫃冇門,房門都冇」。
發展商的古惑招層出不窮,「好多年前,見過有人喺牆上加咗一隻門,就當做有衣櫃。又見過將電視機藏喺牆身,但正常應係掛喺牆上,偷咗50至100mm」。
公屋長大的Monique唸書不成,會考僅得三分,其後報讀職訓局的室內設計課程,竟然找到人生興趣之最,畢業後加入大行,除了設計過天璽、壹號雲頂的示範單位,還有南灣及天晉現樓的電梯大堂、廚房及浴室。Monique兩年前跟友人合組室內設計公司,現正修讀建築碩士。
訪問當天,她向一位客人借用九龍站上蓋天璽的單位拍攝,傢俬連裝修費合共500萬元,單是傢俬就花了300萬元,水晶燈、梳化、餐桌、餐椅、茶几、地毯清一色用Fendi出品,水晶燈是訂造的,盛惠20萬元,梳化最貴,一張30萬元,連餐椅也要幾萬元一張。不難想像,該顧客來自大陸,是個發展商。
她解構大陸與香港豪客的異同,「國內客人鍾意大大個logo喺件傢俬度,香港客人都會買名牌傢俬,但可能含蓄啲」。也有客人表面豪氣,內裏小家,「有個客住9,000萬嘅house,但佢叫我去抄名牌傢俬個款,然後返大陸訂造」。也不難想像,那顧客是香港人。

你想爆?幫你爆!
熱線電話:29907225
mailto:Bom@sharpdaily.com.hk
WhatsApp:91314511

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載