› 選擇地區
三藩市
紐約
洛杉磯
其他美國地區
香港 台灣 北美
 
2013年03月22日

中梵關係陷低谷 
韓大輝總主教批評︰中共想自製教宗

教廷萬民福音部秘書長韓大輝總主教希望中梵新領導人可以改善雙方關係。馬泉崇攝

【 《蘋果》記者張嘉雯梵蒂岡直擊】
【本報訊】教宗本篤十六世在任八年,不但曾去信中國天主教徒,又成立中國事務委員會。原本平穩發展的中梵關係卻因兩年多前中國自選「自聖主教」,又報復不服從愛國會的主教而陷低谷。教廷萬民福音部秘書長韓大輝總主教批評,中國的做法倒退至50年代,非法主教團企圖行使教宗權力想當「中國教宗」。

相關新聞:「本篤斯文 方濟鬼馬」

在港土生土長,前年成為教廷萬民福音部秘書長的韓大輝接受本報訪問時批評,愛國會企圖控制天主教會,「今日就叫你去開彌撒,祝聖呀邊個邊個,連要講乜說話都指定埋,完全係倒退返去50年代嗰種做法,連教宗都唔可以逼一個主教開彌撒啦」。他又指,2010年,中國突然自選郭金才為河北承德主教,令教廷震怒,「所有人都好震驚,好似過去30年嘅經濟開放係冇咗一樣」。郭現任中國天主教愛國會副主席、主教團秘書長。

斥中國重利益輕原則

去年7月,上海教區輔理主教馬達欽在祝聖禮上表明不再接受愛國會的職務,同年12月,不獲教廷承認的中國天主教主教團宣佈撤銷馬達欽的任命,馬被軟禁八個月至今。韓大輝指,事後整個上海教區遭報復,修院無法開課,神父修女要參加洗腦班,「佢哋撤銷主教任命,即係行使緊教宗嘅權力?係咪即係想做中國教宗?佢係咪想自辦教會?」
相反,同樣由共產黨管治的越南,不但今次有樞機出席教宗選舉,去年10月更在當地舉行亞洲主教團協會40周年會議,反映教廷與越南互信增加,「多得越南嘅兄弟姊妹團結,好英雄嘅見證,而政府亦都明白到宗教對社會和諧有正面影響,佢哋地方細,主教間易聯繫,中國地方太大,要刻意分化佢哋好容易」。
他解釋,越梵之間有默契,找出雙方都合適的人選,「當然政府會從社會和諧嘅角度出發,唔會揀嗰啲同政府對抗嗰種人做主教……我相信過多50年、70年又唔會係咁,會與時並進」。
他認為,中國社會時以「國情」做擋箭牌,推崇功利主義,人們着重眼前利益,不依照原則做事,「你信奉得呢個宗教,就係接受教宗係最高領導人,如果你話信耶穌,而同教宗只係精神上連繫,冇咗教宗任命主教呢種關係,咁只可以稱係另一個基督教派,而唔係天主教」。

相關新聞:堅守家庭價值 抗拒同志婚姻

盼習總改善雙方關係

他希望中梵新領導人可以改變現象。他觀察到,習近平主張處理貪污問題,不要鋪張浪費,與新教宗提出神貧和更新教會的期望相似,「教會入面都有啲唔係絕對純潔既成份,都有啲雜質要清除,我諗共產黨反對貪污,同教會有共同理想」。他指中國人「聰明」,領導人一代較一代開放,相信中梵關係會得到改善。
上任教宗建立中國事務委員會,由各地教會專家向教宗提供意見,至今仍然有效,方濟早前已表明會恢復所有部門首長職位,直至另行選出,韓大輝相信新教宗會建立自己的團隊,官員會重新「洗牌」,國務卿貝爾托內的位置會換人,對方早前因年紀緣故已提出請辭。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載