› 選擇地區
三藩市
紐約
洛杉磯
其他美國地區
香港 台灣 北美
 
2013年03月13日

「個女係咪我嘅都有懷疑」

【細說風流賬】
「佢鍾意我乜嘢?貪我老人家驅風?貪我靚仔有型?我60歲,佢20歲,佢係要跟住我,我已經盡晒責任。」一頭白髮的教育局主任朱福有,否認不要私生女Diana,指事件「講到尾都係錢」,因此不會主動接回女兒。

相關新聞:內地阿媽走佬 教育局主任拒認賬單非B女滯港半年無人要

自稱花18萬訂床位買奶粉

記者約朱福有見面,他爽快答應,放工後帶記者到茶餐廳,點了一支啤酒,細說這筆風流賬。朱福有稱與周女年多前在東莞認識,「點識就唔講,講出嚟大家冇面」。他稱已表明在港有家庭,但周女堅持為他傳宗接代,他無奈在深圳租屋張羅奶粉等,又在仁安醫院訂床位,共花近18萬元。
去年10月,周女忽然帶Diana來港,朱福有說:「個女係咪我嘅都有懷疑,佢跟住就話要錢,每個月萬五蚊。」他曾經支付過一次,早前周女稱要向香港弱勢社群互聯會取回女兒,但要再付6萬元,他斷然拒絕,聲稱自己欠債數十萬元,即場舉起右腳說:「我對襪爛咗都冇錢買,晏晝飯都冇食,你睇我邊度似一個人?」談到與妻女關係,他形容「好黯淡」,但稱「我冇後悔,咁大年紀,做出嚟、生出嚟,肯定衰硬」。教育局發言人稱不評論員工私生活。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載