蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年03月11日

兩萬龜被棄 病龜水池播菌

165,986

【記者吳淑義報道】長壽的龜類是本港熱門寵物之一,但不少主人在熱情過後就棄養,香港兩棲及爬蟲協會估計,全港約有400個水池,以平均每處有50隻龜計算,即有2萬隻龜被遺棄,部份病龜在水池恐會散播病菌,呼籲市民以領養代替購買新龜。
香港兩棲及爬蟲協會行政總監段國樑於兩周前接獲義工通報,指將軍澳文曲里水池有病龜出沒,到場撿獲一隻長約10吋,估計約10歲大的紅耳龜,即俗稱「巴西龜」,「雙眼腫到好似波子咁,明顯受到細菌感染,𠵱家睇緊獸醫,狀況比想像中嚴重,最少要兩至三個月先可醫好,亦有可能失明」。

波子曬太陽望能康復

段國樑為病龜取名「波子」,每天讓龜曬太陽,希望能早日康復。他讚揚文曲里公園水池管理不俗,水質清澈有多樣物種,但龜的數目急增,「我九個月前嚟過,當時大約有10隻龜,𠵱家就有30至40隻,大部份都有手掌咁大,相信有人養大咗,或者有病唔想要,拎嚟放生」。
部份棄養的龜患有眼疾或肺炎,胡亂放生會污染池水及造成交叉感染,記者也在場發現有龜兒雙眼腫起,懷疑已被感染。段國樑解釋:「龜係外來物種,病菌除咗會傳染同類,也可能令魚類染病,如果情況嚴重,市民接觸到池水,沾染到病菌可能有未能預計嘅影響。」
對於本港水池成放生勝地,他警告隨時會變殺生,「東九龍有個屋苑嘅龜池原本有超過200隻龜,實在太多,最後屋苑出咗通告,話只可以容納30隻龜,意味有百幾隻要人道毀滅」。
他表示,要避免悲劇發生,最重要從教育着手,「龜係長壽動物,隨時有幾十年命,飼養前最緊要係停一停,諗一諗,佢病咗會唔會帶佢去睇醫生?其實養任何動物,都有責任將佢養到終老,如果做唔到,不如唔好養。」

蘋果日報fb,每日分享精選新聞及網絡新鮮事。
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載