› 選擇地區
三藩市
紐約
洛杉磯
其他美國地區
香港 台灣 北美
 
2013年02月28日

隔牆有耳:
鬍鬚曾與港人 天各一方 - 李八方

前財爺阿松宣讀預算案時,曾加插歌詞訴心聲,幾句《獅子山下》歌詞攞好多分;鬍鬚曾噚日發表預算案時,亦喺結語用上《天各一方》一句獨白:「你有你嘅生活,我有我嘅忙碌」,話港人雖然為生活奔波,但始終有共同信念。諷刺卻係佢嘅預算案同市民諗法南轅北轍,各階層都嫌無料到,難怪有人諷刺佢用呢首歌好適合,因為佢真係同捱緊苦嘅市民天各一方。

結語扯埋羅斯福落水

02年阿松用《獅子山下》勸勉市民同舟共濟,掀起一片《獅子山下》熱;八方唔知鬍鬚曾今次用《天各一方》,會唔會令1980年由歌星曾路得演唱、俞琤獨白嘅舊歌爆紅,但肯定呢份少甜預算案唔會一如歌詞,令市民因此對鬍鬚曾情深一片兼輕柔如水清澈。
鬍鬚曾噚日自揭,用呢句獨白無非因為對首歌情有獨鍾,相信同佢咁上下年紀嘅人,對歌詞會有共鳴,最重要當然係歌詞好有意思。
泛民難得認同鬍鬚曾嘅言論。公民黨梁家傑話係呀,預算案充份顯示,鬍鬚曾同社會各階層天各一方,佢有佢縱容地產霸權、市民有市民繼續捱苦,大家理念完全唔一致;新同盟范國威亦笑指,鬍鬚曾繼續守財,市民繼續要回水,恍如活喺兩個星球,難怪佢暗示大家天各一方啦。
查實除咗用《天各一方》對白,鬍鬚曾仲喺結語拋書包,引用美國前總統老羅斯福名句:「要遙望繁星,也要腳踏實地」,呼籲市民實事求是,諗吓「資源何來」喎。仲有人話「七百萬人過着七百萬種唔同嘅生活」呢句係抄無綫神劇《天與地》嘅和諧論㖭,大家覺得似唔係呢?

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載