› 選擇地區
三藩市
紐約
洛杉磯
其他美國地區
香港 台灣 北美
 
2013年02月16日

普選不能靠CY 
李鵬飛:會參與佔領中環

李鵬飛認為特首選舉可設門檻低的提名委員會。江俊豪攝

【本報訊】香港人爭取雙普選,快要走到一萬人長期佔領中環的十字路口。縱橫政壇逾30年的李鵬飛直言,靠梁振英落實真普選的希望「凍過雪水」 。

73歲的飛哥說,佔領運動明年若能成事,他或已不再是時事論評員,「到時我會毫不猶豫(參與)」。
「佔領中環都唔係第一次啦!」從過渡期到回歸16年,李鵬飛親歷兩次香港人佔領中環的浩瀚場面。「23條時,人頭湧湧佔領中環,令田北俊轉軚,呢啲就係人民嘅力量,自由黨當時係建制中既建制!對上一次,係六四,當時我做立法局首席議員,同港督報告,嚇死我,唔單止佔領中環,係一百萬人喺條街度坐。」

須先團結全體泛民

李鵬飛直斥梁振英不敢推動政改,「如果唔係,施政報告唔會只用百多字交代。2017、2020普選,我覺得仲凍過雪水!」
形勢不妙,他認為,港大法律系副教授戴耀廷提出的佔領中環行動,「絕對值得考慮」。但首個難題是如何團結全體泛民,「五區公投,民主黨冇份,但已成過去,如果能夠拋棄前嫌,甚至喺競選時嘅恩怨,先有成功機會。如果失敗,係因為泛民自己中間唔團結,反而同梁振英冇關!」
他相信,運動一旦成形,香港市民會一呼百應。「一個反國民教育都有12萬人,爭取民主,我覺得會更加多人。」談及普選方案,李鵬飛認為特首選舉可設提名委員會,但要低門檻,不能令人難以入閘;立法會的功能組別議員,最多保留到2016年。若明年真的能發動佔領中環運動,李鵬飛會否參與?「我多數,(到時)可能唔係評論員,自己都73歲。唔會猶豫!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載