› 選擇地區
三藩市
紐約
洛杉磯
其他美國地區
香港 台灣 北美
 
2013年01月28日

門常開:殘酷遊戲Mainland Crush
床位奶粉學位搶到盡

一款名為Candy Crush Saga嘅遊戲最近喺facebook大熱,無數網民日以繼夜、夜以繼日咁玩,出門用手機玩,返到屋企就用電腦玩,過關升呢緊要過食飯,甚至畀錢買時間。佢哋每過到一關就即刻分享炫耀,過唔到關就慘過生意失敗,要公開跪求過關秘訣。
簡單啲嚟講,Candy Crush Saga係串連方格上嘅糖果得分。喺現實生活中,呢幾年香港都玩緊呢個遊戲,crush嘅意思係擠壓,亦都可以解作一堆逼埋晒嘅人群,Saga就係長篇冒險故事咁解;不過香港玩緊嘅唔係Candy Crush,而係Mainland Crush。

玩家每年幾萬人計

Mainland Crush Saga嘅玩家嚟自內地,佢哋爭奪嘅唔係糖果,而係床位、奶粉同學位。呢班為數每年幾萬人嘅玩家,先殺到香港搶奪醫院產房床位,BB出世之後,就再嚟香港各大藥房掃奶粉,BB再長大一啲,就聯群結隊跨越深圳河爭學位,咁仲唔係一大堆人史詩式嘅長篇故事?

花巨資買床位移民

遊戲同現實何其相似?買到奶粉嘅內地人會喺網上炫耀戰利品,而為咗過關來港產子升呢,呢班玩家會不惜花巨資買床位,甚至投資移民。
所以吳爽強烈推介各位父母鼓勵子女得閒玩吓Candy Crush,等佢哋自細習慣咗呢種殘酷嘅資源爭奪遊戲,否則大個仔就會執輸㗎喇。
吳爽

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載