› 選擇地區
三藩市
紐約
洛杉磯
其他美國地區
香港 台灣 北美
 
2013年01月19日

李澤鉅狂轟土發冇大冇細 
「同佢做生意好痛苦」 
會令白頭髮增多

【市建局追數案】
【本報訊】市建局向長實子公司追討2,300萬元收地開支案,當年有份商議條款的長實副主席李澤鉅,昨日出庭作供,狂數市建局前身土地發展有限公司,不但惡,「冇大冇細」,董事局又政治化,行政人員各自為政,揶揄土發「官嚟㗎嘛」。李堅稱與土發高層劉華森及石禮謙會面達共識「冇拖冇欠」,亦謹慎問清楚兩人是否有權代表土發。「我嘅身份係我主席(李嘉誠)個仔,有啲人假設我有絕對權力去完成任何生意……所以我一定問番對方有冇權」。
記者:楊家樂

相關新聞:記得開會日子因獲黎明煮早餐

李澤鉅在庭外稱,涉案數額甚小,訴訟只為討公道。他在庭上發炮後,長實跟着發表聲明,指事件只涉已解散的土發,長實與市建局關係則良好,並有合作項目。李昨一早抵達法庭,全程由至少七名保鑣護送。聆訊期間,法庭多次休庭,並因應李的日程表,將聆訊延後至近傍晚6時才完畢,好讓李不用再到庭。
是次爭拗關於89年土發與長實子公司Agrila Limited合作發展重建項目興建中環中心,97年調整協議條款,土發可獲的保證利潤由初時1.8億元大增至19.4億元。
石禮謙早前指,李澤鉅認為劣市之中仍要向土發支付保證利潤,實屬「bad deal」。李昨供稱,交易雖有好壞之分,但不認為涉案項目失敗,「香港做地產,好緊要睇幾時截數,如果𠵱家睇番,會係好好嘅deal」,又謂「承諾就係承諾,唔會諗番轉頭話早知做抑或唔做」。

否認「條氣唔順」

惟李作供期間,不斷向土發公司發炮,揚言「同LDC(土發)做生意,係一個痛苦嘅經歷」,白髮會增多,但否認「條氣唔順」,「我管理26萬員工,52個國家,冇咁多氣去順唔順」。
李指,客戶或朋友欲約他見面,均會提早數天向他的秘書預約,「但係LDC當時係半官方機構,行事同行政手法比較惡」,尤其時任行政總裁石禮謙,「好多時就咁打電話畀我,話𠵱家嚟見我,好似有個預期,我一定要就佢哋」,有時甚至要求15至30分鐘內見面,「如果早半個鐘,勉強都可以話係約咗嘅」,他有時為保對方面子而更改內部會議時間。
有關土發職員的態度,他形容:「語氣上唔係我識得最客氣嘅人……比起我響社會上見到嘅人,唔係最禮貌嘅一群。」他其後補充,「以我響商業社會睇,佢哋係冇大冇細」,認為土發高層與私人機構不同,在解僱屬下時「冇咁方便,好少炒到人」,令行政人員各自為政,甚至按個人喜好向發展商提出要求,若不遵從,營運上便會有麻煩。

相關新聞:石禮謙訂不蝕本條款

揶揄「官嚟㗎嘛」

他又指有土發職員在無份出席會議的情況下,憑想像創作文件,「中層人員參與唔到高層決定,會嬲」,而文件往來方面,「對佢哋有利嘅,會寫得好啲,對我哋有利嘅,佢哋拖拖拉拉算數」。李揶揄:「官嚟㗎嘛。」
李更點名狠批其中一名高層Marina Lo,認為她是佼佼者,在長實及土發均非常出名,「佢好惡,又選擇性記憶」,甚至「佢啲老闆同意咗嘅嘢,佢冇份決定,唔同意,就會寫番自己嘅意見」。李認為她「搞到雙方唔嗌交都唔得」,令「任何人都會發神經」。
李又指土發董事局成員「都幾政治化」,除非他們自行透露土發的消息,「否則習慣上我提都唔敢提」。他又謂不會刻意約見董事局成員,否則土發管理層知情後「會煎咗我哋」。他又指土發偷步申請滿意紙,按當時樓宇狀況應難以申請,不明為何會獲批。
案件編號:HCA1582/02

李澤鉅庭上金句

‧LDC(土發公司)當時係半官方機構,行事同行政手法比較惡。
‧石先生(石禮謙)同LDC啲同事,比起我響社會上見到嘅人,唔係最禮貌嘅一群。
‧佢哋(土發)官嚟㗎嘛!
‧同LDC做生意係一個痛苦嘅經歷。
‧我係負責握手嗰個嚟,通常我去握手嘅嘢我都記得下……握手即係緊要嘅日子。
‧平時國際性握手,係握兩下手,嗰次(與劉華森)係中式握手,隻手遨咗好耐。
‧我嘅身份係我主席(李嘉誠)個仔,有啲人假設我有絕對權力去完成任何生意。
‧LDC高層工作人員唔同私人機構,可以炒下面嘅員工,冇咁方便……好多事發生,都係因為LDC唔可以炒魷魚嘅傳統而起。
‧佢哋係主席同總裁(劉華森及石禮謙),代表公司,下下叫佢哋返去個board(董事局)講,似乎唔係咁禮貌,唔可以當佢哋係人肉錄音機。
‧我管理26萬員工,52個國家,冇咁多氣去順唔順。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載