› 選擇地區
三藩市
紐約
洛杉磯
其他美國地區
香港 台灣 北美
 
2013年01月19日

配對智障跑手備戰馬拉松

Peter(左)帶領特殊跑手莊虞跑完全程。

【本報訊】「陪住佢第一次跑完五公里,仲開心過自己完成全馬!」長跑愛好者郭子文(Peter)三年來陪伴智障跑手參與長跑賽事,今年與中度智障的莊虞配對,短短個多月相處,已培養深厚感情和默契。他說,智障人士的智力雖遜於常人,但同樣會為喜歡的事堅持,「只要有能力,我會一直陪佢哋跑落去」。
Peter憶述三年前首次當陪跑員,與患自閉症的智障參賽者配對,初時很難溝通,後來漸漸建立感情,「有次跑完佢主動拖住我返看台,覺得建立咗一份連繫,好感動」。
今年,Peter再次成為特殊馬拉松賽的陪跑員,大會安排他與曾有一面之緣的莊虞配對。兩人個多月前重遇,Peter對莊虞說:「上年見過你啊,跑得幾好,今年一齊再跑好啲」。其實莊虞去年成績一般,Peter一番話卻令他感到自己遇上伯樂,自信提升不少。
莊虞面對陌生的記者顯得拘謹,只有與Peter相處時才放下戒心。Peter說,他會邊跑邊留意莊虞有否「成頭汗」,或不時摸摸他的手,若發現手冷便提醒他穿外套。他知莊虞喜歡吃揚州炒飯,更不時買來做獎勵,「同佢講畀心機跑完一齊食」。
東華三院第三年舉辦特殊馬拉松,有1,988位參賽者及陪跑員,是歷年最高。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載